ଯେକୌଣସି ସମୟରେ ଇରାନ-ଆମେରିକା ମଧ୍ୟରେ ଯୁଦ୍ଧ ଲାଗିପାରେ, କାତାରକୁ ନିଜର ଏଫ-୨୨ ଲଢୁଆ ବିମାନ ପଠାଇଲା ଆମେରିକା
ନୂଆଦିଲ୍ଲୀ : ଆମେରିକା ଓ ଇରାନ ମଧ୍ୟରେ ତୀକ୍ତତା ଚରମ ସୀମାରେ ପହଞ୍ଚିଛି । ଉଭୟ ପକ୍ଷ ମଧ୍ୟରେ ଯେକୌଣସି ସମୟରେ ଯୁଦ୍ଧ ଲାଗିପାରେ । ଗତ ସପ୍ତାହରେ ଆମେରିକା ଇରାନ ଉପରେ ଆକ୍ରମଣ କରୁ କରୁ ରହିଯାଇଥିଲା । କିନ୍ତୁ ଆଜି ମିଳିଥିବା ସୂଚନା ଅନୁସାରେ ଆମେରିକା ମଧ୍ୟପୂର୍ବରେ ନିଜର ସୈନ୍ୟ ଓ ସାମରିକ ଶକ୍ତି ବଢାଇବାରେ ଲାଗିଛି । ଆମେରିକା କାତାରରେ ଥିବା ଅଲ ଉଦେଦ ଏୟାର ଫୋର୍ସ ବେସକୁ ନିଜର ଏଫ-୨୨ ଷ୍ଟିଲଥ ଲଢୁଆ ବିମାନ ପଠାଇଛି । ଏ ସଂପର୍କରେ ଆମେରିକା ଏୟାରଫୋର୍ସର ସେଣ୍ଟ୍ରାଲ କମାଣ୍ଡ ପକ୍ଷରୁ ସୂଚନା ଦିଆଯାଇଛି । ତେବେ କେତୋଟି ଏଫ-୨୨ ପଠାଯାଇଛି ତାହା ସ୍ପଷ୍ଟ କରାଯାଇନାହିଁ । ଏହାପଳରେ ଆଗକୁ ଏ ଅଂଚଳରେ ବଡ଼ଧରଣର ଆକ୍ରମଣ ହେବାର ଆଶଙ୍କା ବଢିଯାଇଛି ।
Sambad is now on WhatsApp
Join and get latest news updates delivered to you via WhatsApp
ଗତ ସପ୍ତାହରେ ଇରାନ ଆମେରିକାର ଏକ ଗୁପ୍ତଚର ଡ୍ରୋନ କୁ ମାରି ଖସାଇଦେବା ପରେ ଆମେରିକା ରାଷ୍ଟ୍ରପତି ଟ୍ରମ୍ପ ଇରାନ ଉପରେ ଆକ୍ରମଣ ନିର୍ଦ୍ଦେଶ ଦେଇଥିଲେ । ତେବେ ଏହାର କିଛସମୟ ପରେ ଶେଷ ମୂହୂର୍ତ୍ତରେ ତାହାକୁ ପ୍ରତ୍ୟାହାର କରିଥିଲେ । ଇରାନ ମଧ୍ୟ ଆମେରିକାକୁ ଚେତବନୀ ଦେଇ କହିଥିଲା ଯେ ଆମେରିକା ଯଦି ଗୋଟିଏ ଗୁଳି ଚଳାଏ ତେବେ ତାହାର ଦୃଢ ଜବାବ ଦିଆଯିବ ।