ଆତଙ୍କବାଦୀ ଆକ୍ରମଣ ଆଶଙ୍କା: ପାକିସ୍ତାନ ଆକାଶରେ ବିମାନ ଉଡାଣ ନ କରିବାକୁ ସତର୍କ କଲା ଆମେରିକା
ଓ୍ଵାସିଂଟନ୍: ଆତଙ୍କବାଦୀ ଆକ୍ରମଣ ସମ୍ଭାବନା ଥିବାରୁ ପାକିସ୍ତାନ ପରିସୀମା ଅନ୍ତର୍ଗତ ଆକାଶ ଦେଇ ବିମାନ ନ ଚଳାଇବା ପାଇଁ ନିଜର ବିମାନ ଚଳାଚଳ ସଂସ୍ଥାଗୁଡ଼ିକୁ ଗୁରୁବାର ଦିନ ଯୁକ୍ତରାଷ୍ଟ୍ର ଆମେରିକା ବିଜ୍ଞପ୍ତି ଜାରି କରି କହିଛି। ଯଦି କେହି ପାକିସ୍ତାନ ଆକାଶ ମଧ୍ୟକୁ ପ୍ରବେଶ କରୁଛନ୍ତି କିଂବା ସେଠାରୁ ବାହାରୁଛନ୍ତି- ତେବେ ଯଥେଷ୍ଟ ସତର୍କତା ଅବଲମ୍ବନ କରିବା ଜରୁରୀ ବୋଲି ଯୁକ୍ତରାଷ୍ଟ୍ର ଆମେରିକା କହିଛି।
Sambad is now on WhatsApp
Join and get latest news updates delivered to you via WhatsApp
ଏକ ବିବୃତିରେ ‘ଫେଡେରାଲ୍ ଆଭିଏସନ୍ ଆଡ୍ମିନିଷ୍ଟ୍ରେସନ୍’ କହିଛି: ପାକିସ୍ତାନର ସନ୍ତ୍ରାସବାଦୀ ଏବଂ ଆତଙ୍କବାଦୀ ସଙ୍ଗଠନଗୁଡ଼ିକ ଯୁକ୍ତରାଷ୍ଟ୍ର ଆମେରିକାର ଏୟାର୍ଲାଇନ୍ସ୍ (ବାଣିଜ୍ୟିକ ଓ ସରାକାରୀ) ଉପରେ ଆକ୍ରମଣ କରିବାର ସମ୍ଭାବନା ଥିବାରୁ ଆମେରିକା ନିଜ ବିମାନ ପରିବହନ ସଂସ୍ଥାନଗୁଡ଼ିକୁ ସତର୍କ କରାଇ ଦେଇଛି। ନିରାପତ୍ତା ପରାମର୍ଶରେ କୁହାଯାଇଛି କି, ବିମାନ ତଳେ ଥିବା ବେଳେ, ଉଡ଼ାଣ ଆରମ୍ଭ କରିବା ବେଳେ ଓ ଅବତରଣ କରିବା ବେଳେ ଆକ୍ରମଣ ହୋଇପାରେ।
ବିଶେଷ କରି, ବେସାମରିକ ବିମାନଗୁଡ଼ିକ ଆକ୍ରମଣର ସରବ୍ୟ ହୋଇ ପାରନ୍ତି। ଏହି ବିମାନଗୁଡ଼ିକ ଅବତରଣ କରିସାରିଥିବା ବେଳେ, ଉଠାଣ ଏବଂ ଅବତରଣ ଲାଗି ସ୍ୱଳ୍ପ ଉଚ୍ଚରେ ଥିବା ବେଳେ ଆକ୍ରମଣ ହୋଇପାରେ।