ସୁଲେମାନିର ଉତ୍ତରାଧିକାରୀ ବାବଦରେ ସୂଚନା ଦେଲେ ଆମେରିକା ଦେବ ୧ କୋଟି ଟଙ୍କାର ପୁରସ୍କାର
ନ୍ୟୁୟର୍କ: ଇରାନ ସେନାର ମେଜର ଜେନେରାଲ କାସୀମ ସୁଲେମାନିର ହତ୍ୟା ପରେ ବର୍ତ୍ତମାନ ତାଙ୍କ ଉତ୍ତରାଧିକାରୀ ମହମ୍ମଦ କଭତାରାନି ଆମେରିକାର ଟାର୍ଗେଟରେ ଆସିଛନ୍ତି। ଯିଏ କଭତାରାନିଙ୍କ ବିଷୟରେ ସୂଚନା ଦେବ ସେମାନଙ୍କ ପାଇଁ ଆମେରିକା ଏକ କୋଟି ଟଙ୍କା ପୁରସ୍କାର ଘୋଷଣା କରିଛି। ମହମ୍ମଦ କଭତାରାନି ହେଉଛନ୍ତି ଲେବାନାନର ହିଜବୁଲ କମାଣ୍ଡର, ପୂର୍ବରୁ ଏହି ଗୋଷ୍ଠୀ କାସୀମ ସୁଲେମାନିଙ୍କ ଦ୍ୱାରା ପରିଚାଳିତ ହୋଇଥିଲା |
Sambad is now on WhatsApp
Join and get latest news updates delivered to you via WhatsApp
ଡ୍ରୋନ୍ ଆକ୍ରମଣରେ ଆମେରିକା ସୁଲେମାନିଙ୍କୁ ହତ୍ୟା କରିବା ପରେ ମହମ୍ମଦ କଭଥାରାନୀ ଏବେ ଦାୟିତ୍ୱ ଗ୍ରହଣ କରିଛନ୍ତି । ଆମେରିକା ପୂର୍ବରୁ ହିଜବୁଲକୁ ନେଇ ଅସନ୍ତୋଷ ପ୍ରକାଶ କରିଛି |
ଆତଙ୍କବାଦୀ କାର୍ଯ୍ୟକଳାପକୁ ପ୍ରୋତ୍ସାହନ ଦେଉଥିବାରୁ ସୁଲେମାନିଙ୍କୁ ହତ୍ୟା କରାଯାଇଥିଲା ବୋଲି ଆମେରିକା ପୂର୍ବରୁ ସ୍ପଷ୍ଟ କରିଥିଲା | ସୁଲେମାନିଙ୍କ ହତ୍ୟା ପରେ ଇରାନର ନେତା ଖାମେନେ ଆମେରିକା ଉପରେ ଆକ୍ରମଣ ବିଷୟରେ କହିଥିଲେ ମଧ୍ୟ ପରେ ସବୁକିଛି ଶାନ୍ତ ହୋଇଯାଇଥିଲା । କୁହାଯାଉଛି ଯେ କଭତାରାନି ବିଷୟରେ ଆମେରିକା ପାଖରେ ଅଧିକ ସୂଚନା ନାହିଁ, ଏହି କାରଣରୁ ଆମେରିକା ସୂଚନାଦାତାଙ୍କୁ ଏକ କୋଟି ଟଙ୍କା ଦେବାକୁ ପୁରସ୍କାର ମଧ୍ୟ ଘୋଷଣା କରିଛି |