ଆମଷ୍ଟରଡାମ : ନ୍ୟୁଜିଲ୍ୟାଣ୍ଡ ପରେ ଏବେ ନେଦରଲାଣ୍ଡରେ ମଧ୍ୟ ଗୁଳିକାଣ୍ଡ ଦେଖାଦେଇଛି । ଆଜି ନେଦରଲାଣ୍ଡର ଏକ ସହର ଉଟ୍ରେଚରେ ଏକ ଚଳନ୍ତା ଟ୍ରାମରେ ଜଣେ ଦୁର୍ବୁତ୍ତ ଗୁଳିମାଡ କରିବାରୁ ଜଣେ ବ୍ୟକ୍ତି ନିହତ ହେବା ସହ ଆହୁରି ଅନେକ ବ୍ୟକ୍ତି ଆହତ ହୋଇଛନ୍ତି । ଆହତଙ୍କ ମଧ୍ୟରୁ କେତେକଙ୍କ ଅବସ୍ଥା ସଂକଟାପନ୍ନ ଥିବାରୁ ମୃତ୍ୟୁସଂଖ୍ୟା ବଢିବାର ଆଶଙ୍କା ରହିଛି । ନେଦରଲାଣ୍ଡ ପୁଲିସ ଏହା ଏକ ଆତଙ୍କବାଦୀ ଆକ୍ରମଣ ବୋଲି ସଂଦେହ କରୁଛି । ତେବେ ଏହା ପଛରେ କେଉଁମାନେ ଅଛନ୍ତି ତାହା ଏପର୍ଯ୍ୟନ୍ତ ଜଣାପଡିନାହିଁ । ଡଚ ପ୍ରଧାନମନ୍ତ୍ରୀ ମାର୍କ ରୁଟେ କହିଛନ୍ତି ଯେ ପ୍ରଶାସନ ଏହି ସ୍ଥିତି ଉପରେ ନଜର ରଖିଛି ଓ ଆବଶ୍ୟକ ପଦକ୍ଷେପ ନିଆଯାଉଛି ।
Sambad is now on WhatsApp
Join and get latest news updates delivered to you via WhatsApp
ଡଚ ପୁଲିସର କହିବା ମୁତାବକ ସ୍ଥାନୀୟ ସମୟ ସକାଳ ୧୦ଟା ୪୫ ମିନିଟରେ ଜଣେ ବ୍ୟକ୍ତି ହଠାତ ଏକ ଚଳନ୍ତା ଟ୍ରାମରେ ଗୁଳି ଚଳାଇବାରୁ ଅନେକ ଲୋକ ଆହତ ହୋଇଥିଲେ । ତେବେ ପରେ ଜଣେ ଆହତ ବ୍ୟକ୍ତିର ମୃତ୍ୟୁ ହୋଇଥିଲା । ଏହି ଘଟଣା ପାଇଁ ଏପର୍ଯ୍ୟନ୍ତ କୌଣସି ସଂଗଠନ ନିଜକୁ ଦାୟୀ କରିନାହାନ୍ତି ।