ଜୟ ଶ୍ରୀରାମ ନ କହିବାରୁ ମୌଲବୀଙ୍କୁ ମାଡ଼ !
ବାଗପତ୍ : ଜୟ ଶ୍ରୀରାମ ନ କହିବାରୁ କିଛି ଯୁବକ ମୌଲବୀଙ୍କୁ ପିଟିଥିବାର ଖବର ମିଳିଛି । ଗତ କିଛି ଦିନ ହେଲା ଦେଶର ବିିଭିନ୍ନ ସ୍ଥାନରେ ଚାଲିଥିବା ଜୟ ଶ୍ରୀରାମ ନାରାର ହିଂସା ଏବେ ଉତ୍ତର ପ୍ରଦେଶ ବାଗପତ୍ ରେ ମଧ୍ୟ ଦେଖିବାକୁ ମିଳିଛି । ରବିବାର ରାତିରେ ଘରକୁ ନିଜ ବାଇକରେ ଫେରୁଥିବା ଜଣେ ମୌଲବୀଙ୍କୁ ବାଟରେ କିଛି ଯୁବକ ଅଟକାଇ ତାଙ୍କୁ ଜବରଦସ୍ତି ଜୟ ଶ୍ରୀରାମ ନାରା ଲଗାଇବାକୁ କହିଥିଲେ । ମୌଲବୀ ନାରା ନ କହିବାରୁ ଯୁବକମାନେ ତାଙ୍କୁ ଖୁବ୍ ପିଟିଥିଲେ ଏବଂ ଟୋପି ବାହାର କରିବା , ଦାଢି କାଟିବାକୁ ମଧ୍ୟ ଚେଷ୍ଟା କରିଥିଲେ । ତେବେ ମୌଲବୀ ନିଜ ଜୀବନ ବଚାଂଇ ଉକ୍ତ ସ୍ଥାନରୁ ଦୌଡି ଚାଲିଆସିଥିଲେ ।
Sambad is now on WhatsApp
Join and get latest news updates delivered to you via WhatsApp
ମୌଲବୀ ଅମଲାଉର ରହମାନଙ୍କ କହିବାନୁସାରେ ରବିବାର ଦୋଘଟ ଅଞ୍ଚଳର ସରୋରୋ ଗ୍ରାମରେ ସେ ଯାଉଥିବା ସମୟରେ ୧୦ ରୁ ୧୨ ଜଣ ଯୁବକ ଆସି ତାଙ୍କୁ ପିଟିବା ଆରମ୍ଭ କରିଥିଲେ । ଟୋପି କାଢିବା ସହ ଜୟ ଶ୍ରୀରାମ ନାରା କହିବା ପାଇଁ ବାଧ୍ୟ କରିଥିଲେ ଏବଂ ଦାଢି କାଟିବାକୁ ଚେଷ୍ଟା କରିଥିଲେ । ଅମଲାଉରଙ୍କ କହିବାନୁସାରେ କିଛି ଅସାମାଜିକ ଲୋକଙ୍କ ଯୋଗୁଁ ସମାଜରେ ଏଭଳି ହିଂସା ପ୍ରସାରିତ ହେଉଛି ।