ପୁଣି ଉତ୍ତରାଖଣ୍ଡରେ ଅଘଟଣ: ଚାମୋଲିରେ ଭୂସ୍ଖଳନ, ଭୁଶୁ଼ଡ଼ିଲା ବ୍ରିଜ୍

ଡେରାଡୁନ: ପୁଣି ଉତ୍ତରାଖଣ୍ଡରେ ଅଘଟଣ । ହିମସ୍ଖଳନ ପରେ ଏବେ ଭୂସ୍ଖଳନର ଭୟ । ଚାମୋଲିରେ ପୁଣି ପ୍ରକୃତି ରଚିଲା ତାଣ୍ଡବ । ଚାମୋଲି ଗୋବିନ୍ଦଘାଟରେ ଆଜି ସକାଳେ ସକାଳେ ପାହାଡ ଧସିଛି । ଏବଂ ଭୂସ୍ଖଳନ କାରଣରୁ ହେମକୁଣ୍ଡ ସାହିବକୁ ଯୋଡୁଥିବା ପୋଲ ଭୁଶୁ଼ଡି ପଡିଛି । ଚାମୋଲି ଜିଲ୍ଲାରେ ହିମସ୍ଖଳନର ଭୟ ଏବେବି ଥିବା ବେଳେ ଭୂସ୍ଖଳନ ପୁଣଇ ଲୋକଙ୍କୁ ଡରାଇଛି ।

ତେବେ ଚାମୋଲିରେ ପାଣିପାଗ ଠିକ୍ ରହୁ ନଥିବା କାରଣରୁ ପ୍ରାକୃତିକ ଅଘଟଣ ଘଟୁଥିବା ପାଣିପାଗ ବିଜ୍ଞାନୀ କହିଛନ୍ତି । ମାର୍ଚ୍ଚ ୮ ପରେ ପାଣିପାଗରେ ସାମାନ୍ୟ ପରିବର୍ତ୍ତନ ଆସିବ । ବଦ୍ରିନାଥ, ହେମକୁଣ୍ଡ ସାହିବ ଆଦି ଅଞ୍ଚଳରେ ପ୍ରବଳ ତୁଷାରପାତ ହେଉଥିବା ବେଳେ ଅନେକ ସ୍ଥାନରେ ବର୍ଷା ହେଉଛି ।