ଚାରଧାମ ଯାତ୍ରାକୁ ଅନୁମତି ନିଷ୍ପତ୍ତିର ସମୀକ୍ଷା କରିବାକୁ ନିର୍ଦ୍ଦେଶ ଦେଲେ ଉତ୍ତରାଖଣ୍ଡ ଉଚ୍ଚ ନ୍ୟାୟାଳୟ
ଡେରାଡୁନ୍: ତୃତୀୟ କୋଭିଡ-୧୯ ତରଙ୍ଗର ଭୟ ଥାଇ ମଧ୍ୟ ଜୁଲାଇ ୧ ତାରିଖରୁ ଚାର୍ ଧାମ ଯାତ୍ରୀଙ୍କୁ ଅନୁମତି ଦେଇଥିବାରୁ ଉତ୍ତରାଖଣ୍ଡ ହାଇକୋର୍ଟ ରାଜ୍ୟ ସରକାରଙ୍କ ଉପରେ ଅସନ୍ତୋଷ ଜାହିର କରିଛନ୍ତି। ଏହା ନିଷ୍ପତ୍ତିର ସମୀକ୍ଷା କରିବାକୁ ନିର୍ଦ୍ଦେଶ ଦେଇଛନ୍ତି ଉଚ୍ଚ ନ୍ୟାୟାଳୟ। ଜମ୍ମୁ କାଶ୍ମୀରରେ ଅମରନାଥ ଯାତ୍ରା ବାତିଲ ହୋଇଥିବା ଦର୍ଶାଇ ଏହି ଯାତ୍ରାକୁ ସ୍ଥଗିତ କିମ୍ବା ବାତିଲ କରାଯିବା ଆବଶ୍ୟକ ବୋଲି ଉଚ୍ଚ ନ୍ୟାୟାଳୟ କହିଛନ୍ତି।
କରୋନା ମହାମାରୀ ପରି ଏକ ବିପର୍ଯ୍ୟୟ ସମୟରେ ଧାର୍ମିକ ମନ୍ଦିରରେ ବଡ଼ ସମାବେଶ ଆୟୋଜନ ଏବଂ ଅନୁମତି ଦେଇ ପୁନର୍ବାର ନିମନ୍ତ୍ରଣ କରାଯିବା ଉଚିତ୍ ନୁହେଁ, ଏବଂ ରାଜ୍ୟ ସରକାରଙ୍କ ଦ୍ୱାରା ଚାର ଧାମ ଯାତ୍ରାକୁ ଅନୁମତି ଦିଆଯିବା ଅନୁଚିତ। ତେଣୁ ଏହି ଅଦାଲତ ରାଜ୍ୟ ସରକାରଙ୍କୁ ଜୁଲାଇ ୨ ତାରିଖରୁ ଚାର ଧାମ ଯାତ୍ରା ଆରମ୍ଭ କରିବା ନିଷ୍ପତ୍ତିର ସମୀକ୍ଷା କରିବାକୁ ନିର୍ଦ୍ଦେଶ ଦେଇଛନ୍ତି।
Sambad is now on WhatsApp
Join and get latest news updates delivered to you via WhatsApp
କୋଭିଡ -୧୯ ମହାମାରୀ ସହ ଜଡ଼ିତ ଏକ ନିବେଦନ ଶୁଣାଣି ବେଳେ କୋର୍ଟ ଏହି ନିର୍ଦ୍ଦେଶ ଦେଇଛନ୍ତି।
ଜୁନ୍ ୨୦ ତାରିଖରେ ରାଜ୍ୟ ସରକାର ଦୁଇଟି ପର୍ଯ୍ୟାୟରେ ଚାର ଧାମ ଯାତ୍ରା ଆରମ୍ଭ କରିବାକୁ ଘୋଷଣା କରିଥିଲେ। ଜୁଲାଇ ୧ ତାରିଖରୁ ଏହା ଉତ୍ତରାଖଣ୍ଡର ଚାମୋଲି, ରୁଦ୍ରପ୍ରୟାଗ ଏବଂ ଉତ୍ତରପ୍ରଦେଶର ବାସିନ୍ଦାଙ୍କ ପାଇଁ ଅନୁମତି ଦିଆଯିବ। ଚାରିଟି ମନ୍ଦିରକୁ ତୀର୍ଥଯାତ୍ରା ଲାଗି ଜୁଲାଇ ୧୧ ତାରିଖରୁ ରାଜ୍ୟର ଅନ୍ୟାନ୍ୟ ଲୋକଙ୍କ ପାଇଁ ଅନୁମତି ଦିଆଯିବ। ସୂଚନାଯୋଗ୍ୟ, ଏପ୍ରିଲ ୨୯ରେ ରାଜ୍ୟ ସରକାର ମେ ୧୪ ତାରିଖରୁ ଆରମ୍ଭ ହେବାକୁ ଥିବା ତୀର୍ଥଯାତ୍ରାକୁ ସ୍ଥଗିତ ରଖିଥିଲେ।