ପତ୍ନୀ କରୋନା ଆକ୍ରାନ୍ତ ହେବା ପରେ ୪୧ଜଣଙ୍କ ସହ ସଙ୍ଗରୋଧରେ ରହିଲେ ଉତ୍ତରାଖଣ୍ଡ ମନ୍ତ୍ରୀ
ଡେରାଡୁନ: ଉତ୍ତରାଖଣ୍ଡର ପର୍ଯ୍ୟଟନ ମନ୍ତ୍ରୀଙ୍କ ପତ୍ନୀ କୋଭିଡ-୧୯ ପାଇଁ ପଜିଟିଭ୍ ପରୀକ୍ଷା କରିଛନ୍ତି। ତାଙ୍କ ସ୍ୱାବ ନମୁନା ରିପୋର୍ଟ ଆସିବା ପରେ ସେ କରୋନା ଦ୍ୱାରା ଆକ୍ରାନ୍ତ ହୋଇଥିବା ସ୍ପଷ୍ଟ ହୋଇଛି | ଶନିବାର ସନ୍ଧ୍ୟାରେ ମନ୍ତ୍ରୀଙ୍କ ଓଏସଡି ଅଭିଷେକ ଶର୍ମା ଏହି ଖବରକୁ ନିଶ୍ଚିତ କରିବା ସହ ତାଙ୍କୁ ଏମ୍ସରେ ଭର୍ତ୍ତି କରାଯାଇଥିବା ନେଇ କହିଛନ୍ତି। ପତ୍ନୀ କୋଭିଡ-୧୯ ପାଇଁ ପଜିଟିଭ୍ ପରୀକ୍ଷା କରିବା ପରେ ମନ୍ତ୍ରୀ ଏବଂ ପରିବାରର ଅନ୍ୟ ସମସ୍ତଙ୍କୁ ସହରରେ ଥିବା ବାସଭବନରେ ସଙ୍ଗରୋଧରେ ରଖାଯାଇଛି |
Sambad is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ମୁତାବକ, ମନ୍ତ୍ରୀଙ୍କ ଘରେ ରହୁଥିବା ୪୧ଜଣଙ୍କ ନମୁନା ସଂଗ୍ରହ କରାଯାଇ କୋଭିଡ-୧୯ ପରୀକ୍ଷା ପାଇଁ ପଠାଯାଇଛି | ଶନିବାର ଦିନ ଉତ୍ତରାଖଣ୍ଡ କରୋନାଭାଇରସର ୨୨ଟି ନୂଆ ମାମଲା ଚିହ୍ନଟ ହୋଇଥିବା ବେଳେ ରାଜ୍ୟରେ ମୋଟ କରୋନା ଆକ୍ରାନ୍ତଙ୍କ ସଂଖ୍ୟା ୭୪୯ରେ ପହଂଚିଛି | ୨୨ଟି ନୂଆ ମାମଲା ମଧ୍ୟରୁ ୧୪ଟି ଡେରାଡୁନରୁ, ୩ଜଣ ହରିଦ୍ୱାରରୁ ଏବଂ ୫ଜଣ ନୈନିତାଲରୁ ଚିହ୍ନଟ ହୋଇଥିବା ଜଣା ପଡିଛି ।