ଦେଶରେ ଟିକାକରଣକୁ ପୁରିଲା ୪ ମାସ: ଏଯାଏଁ ସରିଛି ମାତ୍ର ୧୮ କୋଟି ନାଗରିକଙ୍କ ଟିକାକରଣ
୭ ମାସରେ ସମସ୍ତଙ୍କୁ ଟିକାଦେବାକୁ ଲକ୍ଷ୍ୟ
ନୂଆଦିଲ୍ଲୀ: ଦେଶରେ ଟିକାକରଣକୁ ପୂରିଲା ୪ ମାସ । ଏଯାଏଁ ସରିଛି ମାତ୍ର ୧୮ କୋଟି ନାଗରିକଙ୍କ ଟିକାକରଣ । ଆଉ ୭ ମାସରେ ସମସ୍ତଙ୍କୁ ଟିକାଦେବାକୁ ଲକ୍ଷ୍ୟ । ଏପରି ସମୟରେ ତଥ୍ୟ କହୁଛି ଦୈନିକ ୭୩ ଲକ୍ଷ ଡୋଜ୍ ଦିଆଗଲେ ପୂରଣ ହୋଇପାରିବ ଟାର୍ଗେଟ୍ । ଦେଶରେ ଟିକା ଅଭାବ ଭିତରେ ଏହା କେତେଦୂର ପୂରଣ ହୋଇପାରିବ, ତାହା ସୃଷ୍ଟି କରୁଛି ପ୍ରଶ୍ନବାଚୀ ।
Sambad is now on WhatsApp
Join and get latest news updates delivered to you via WhatsApp
କରୋନାର ଦ୍ୱିତୀୟ ଲହର ଭୟଙ୍କର ରୁପ ନେଇଥିବା ବେଳେ ଭାରତରେ ଟିକାକରଣର ସବୁଠୁ ଅଧିକ ଆବଶ୍ୟକତା ରହିଛି, ଆଉ ଠିକ୍ ସେତେବେଳେ ଟିକା ସଂକଟର ତଥ୍ୟ ସାମ୍ନାକୁ ଆସୁଛି | ୧୮ବର୍ଷରୁ ୪୪ ବର୍ଷ ବୟସ୍କଙ୍କ ଟିକାକରଣକୁ ସାମୟିକ ଭାବେ ସ୍ଥଗିତ ରଖିବା ନେଇ ବୟାନ ଆସୁଛି । ଭାରତରେ ସାମୟିକ ଭାବେ ଯୁବ ବର୍ଗ ଅର୍ଥାତ୍ ୧୮ବର୍ଷରୁ ୪୪ ବର୍ଷ ବୟସ୍କଙ୍କ ଟିକାକରଣକୁ ସାମୟିକ ଭାବେ ସ୍ଥଗିତ ରଖିବା ପରାମର୍ଶ ଦେଇଛନ୍ତି ଡାକ୍ତର ଏନ୍.କେ ଅରୋରା ।
ଡାକ୍ତର ଅରୋରା ହେଉଛନ୍ତି- କେନ୍ଦ୍ର ସରକାରଙ୍କ କୋଭିଡ୍-୧୯ କାର୍ଯ୍ୟକାରୀ ଗ୍ରୁପର ମୁଖ୍ୟ ତଥା କେନ୍ଦ୍ରୀୟ କମିଟିର ଅଧ୍ୟକ୍ଷ । ଡାକ୍ତର ଅରୋରା କହିଛନ୍ତି; ଟିକାର ଅଭାବ ଦୃଷ୍ଟିରୁ ପ୍ରାଥମିକତା ଭିତ୍ତିରେ ଆମ ଦେଶରେ ଟିକାକରଣ ଆରମ୍ଭ ହୋଇଥିଲା | ପ୍ରଥମ ଲକ୍ଷ୍ୟ ଥିଲା ଗୁରୁତର ରୋଗୀଙ୍କ ଜୀବନ ରକ୍ଷା ଏବଂ କୋଭିଡ୍ ମୃତ୍ୟୁକୁ ରୋକିବା | ଏହା ପରେ ୪୫ ବର୍ଷରୁ ଅଧିକ, ସମ୍ମୁଖ ଯୋଦ୍ଧା ଓ କୋଭିଡ୍ ଯୋଦ୍ଧାଙ୍କ ଟିକାକରଣ ହେଲା | କିନ୍ତୁ ୧୮ରୁ ୪୪ ବର୍ଷଙ୍କୁ ଟିକାକରଣ ଆରମ୍ଭ ହେବା ପରେ ଟିକାର ସଂକଟ ବଢ଼ିଯାଇଛି | ଟିକାର ଅଭାବ ଥିବାରୁ ଏହି ବୟସବର୍ଗର ଟିକାକରଣକୁ ସ୍ଥଗିତ ରଖା ଯିବା ଉଚିତ |