ଡେଲଟା ଭାରିଆଣ୍ଟ ଉପରେ ୯୨%ପ୍ରଭାବଶାଳୀ ଟିକା: ଆଷ୍ଟ୍ରାଜେନେକା
ନୂଆଦିଲ୍ଲୀ: ଡେଲଟା ଭାରିଆଣ୍ଟ ଉପରେ ୯୨%ପ୍ରଭାବଶାଳୀ ଟିକା | ଏନେଇ ଆଜି ଘୋଷଣା କରିଛି ଆଷ୍ଟ୍ରାଜେନେକା | କମ୍ପାନି ପକ୍ଷରୁ କୁହାଯାଇଛି ଯେ, ପବ୍ଲିକ ହେଲଥ ଇଂଲଣ୍ଡ (ପିଏଚଇ) ର ନୂତନ ତଥ୍ୟ ଅନୁଯାୟୀ ଆଷ୍ଟ୍ରାଜେନେକା କରୋନା ଟିକା ଡେଲଟା ଭାରିଆଣ୍ଟ ଉପରେ ପ୍ରଭାବଶାଳୀ ଏବଂ ଏହା ୯୨% ପର୍ଯ୍ୟନ୍ତ ଫଳପ୍ରଦ ବୋଲି ପିଏଚଇ ନିଜ ତଥ୍ୟରେ କହିଛି |
Sambad is now on WhatsApp
Join and get latest news updates delivered to you via WhatsApp
ଭାରତରେ କୋଭିସିଲ୍ଡ ନାମରେ ଆଷ୍ଟ୍ରାଜେନେକାର କରୋନା ଟିକା ଲୋକଙ୍କୁ ଦିଆଯାଉଥିବା ବେଳେ ପିଏଚଇ କହିଛି ଯେ,ଟିକାର ଦୁଇଟି ଡୋଜ୍ ଡେଲଟା ଭାରିଆଣ୍ଟ କାରଣରୁ ଡାକ୍ତରଖାନାରେ ଭର୍ତ୍ତି ହେବାର ଆଶଙ୍କାକୁ ୯୨% କମ କରିଥାଏ ଏବଂ ଟିକା ନେବା ପରେ କାହାର ମୃତ୍ୟୁ ହୋଇନାହିଁ |
ଏହି ଟିକା ଆଲଫା ଭାରିଆଣ୍ଟ (ବି.୧.୧.୭) ସଂକ୍ରମଣରୁ ସୁରକ୍ଷା ଦେବା ସହ ଡାକ୍ତରଖାନାରେ ଭର୍ତ୍ତି ହେବାର ଆଶଙ୍କାକୁ ୮୬% ହ୍ରାସ କରିଥାଏ ବୋଲି ପିଏଚଇ କହିଛି | ଏହା ପୂର୍ବରୁ ଗତକାଲି ଭାରତ ବାୟୋଟେକ କୋଭାକ୍ସିନ୍ ଟିକାର ତୃତୀୟ କ୍ଲିନିକାଲ ପରୀକ୍ଷଣର ତଥ୍ୟ ଦାଖଲ କରିଥିଲା | ତଥ୍ୟରେ ଟିକା ୭୭.୮% ପ୍ରଭାବଶାଳୀ ବୋଲି କହିଥିଲା |