ଟିକା ଲୋକମାନଙ୍କୁ ୮-୧୦ ମାସ ପର୍ଯ୍ୟନ୍ତ କରୋନା ସଂକ୍ରମଣରୁ ରକ୍ଷା କରିବ : ଏମ୍ସ ମୁଖ୍ୟ
ନୂଆଦିଲ୍ଲୀ : ଟିକା ନେଲେ ତାହା ଲୋକମାନଙ୍କୁ ୮-୧୦ ମାସ ପର୍ଯ୍ୟନ୍ତ କରୋନା ସଂକ୍ରମଣରୁ ସୁରକ୍ଷା ପ୍ରଦାନ କରିବ ବୋଲି ଅଖିଳ ଭାରତ ଆୟୁର୍ବିଜ୍ଞାନ ସଂସ୍ଥାନ (ଏମ୍ସ)ର ନିର୍ଦ୍ଦେଶକ ରଣଦୀପ ଗୁଲେରିଆ କହିଛନ୍ତି ।
Sambad is now on WhatsApp
Join and get latest news updates delivered to you via WhatsApp
ଆଇପିଏସ (କେନ୍ଦ୍ରୀୟ) ସଂଘର ଏକ ସମାରୋହରେ ଯୋଗଦେବା ଅବସରରେ ସେ କହିଛନ୍ତି ଯେ, ଭାରତରେ ଦିଆଯାଉଥିବା କରୋନା ଟିକାର ଏପର୍ଯ୍ୟନ୍ତ କୌଣସି ପାର୍ଶ୍ବ ପ୍ରତିକ୍ରିୟା ଦେଖାଯାଇନାହିଁ । ଏସବୁ ଟିକା ଲୋକମାନଙ୍କୁ ୮-୧୦ ମାସ ପର୍ଯ୍ୟନ୍ତ କିମ୍ବା ତାଠାରୁ ଅଧିକ ସମୟ ପର୍ଯ୍ୟନ୍ତ ସୁରକ୍ଷା ପ୍ରଦାନ କରିବ ।
ଭାରତରେ ଏବେ ପୁଣି ବଢିଚାଲିଥିବା କରୋନା ସଂକ୍ରମଣ ସମ୍ପର୍କରେ ସେ କହିଛନ୍ତି ଯେ ସଂକ୍ରମଣ ପୁଣି ବଢିବାର କାରଣ ହେଉଛି ଲୋକମାନେ ଆଉ ପୂର୍ବପରି ସତର୍କତା ଅବଲମ୍ବନ କରୁନାହାନ୍ତି । ଲୋକମାନେ ଭାବୁଛନ୍ତି କରୋନା ଚାଲିଗଲାଣି । ସେଥିପାଇଁ ସେମାନଙ୍କ ମନୋଭାବରେ ପରିବର୍ତ୍ତନ ଆସିଯାଇଛି । ଏବେ ବି ଲୋକମାନେ ଅତି ଜରୁରୀ ନହେଲେ ଯାତ୍ରା କରିବା ଉଚିତ ନୁହେଁ ।
ନିତି ଆୟୋଗ ସଦସ୍ୟ ତଥା ସରକାରଙ୍କ କୋଭିଡ ଟାସ୍କ ଫୋର୍ସ ମୁଖ୍ୟ ଡ.ଭି.କେ. ପଲ କହିଛନ୍ତି ଯେ, କରୋନା ସଂକ୍ରମଣର ଶୃଙ୍ଖଳାକୁ ରୋକିବା ପାଇଁ ଟିକା ଏକ ଉପାୟ । କିନ୍ତୁ ସତର୍କତା ଓ ନିୟନ୍ତ୍ରଣ ମଧ୍ୟ ଜରୁରୀ । ସେ ମଧ୍ୟ କହିଛନ୍ତି ଯେ ଲୋକମାନଙ୍କ ଖାମଖିଆଲି ମନୋଭାବ ଓ ନିୟମାବଳୀକୁ ହେୟଜ୍ଞାନ ସଂକ୍ରମଣ ଫେରିବାର ବଡ଼ କାରଣ ।