ଅମର୍ତ୍ତ୍ୟଙ୍କଠାରୁ ନିଶ୍ଚିତ ଭାବେ ଜମି ନେବ ବିଶ୍ୱଭାରତୀ, ଆଇନ ସମସ୍ତଙ୍କ ପାଇଁ ସମାନ: କୁଳପତି

କୋଲକାତା: ବିଶ୍ୱ ଭାରତୀ ବିଶ୍ୱବିଦ୍ୟାଳୟ ଏବଂ ନୋବେଲ ପୁରସ୍କାର ବିଜେତା ଅମର୍ତ୍ତ୍ୟ ସେନଙ୍କ ମଧ୍ୟରେ ଚାଲିଥିବା ଜମି ବିବାଦ ଥମିବାର ନାମ ନେଉନାହିଁ | ବିଶ୍ୱଭାରତୀ ବିଶ୍ୱବିଦ୍ୟାଳୟର କୁଳପତି ବିଦ୍ୟୁତ୍ ଚକ୍ରବର୍ତ୍ତୀ କହିଛନ୍ତି ଯେ ଅମର୍ତ୍ତ୍ୟ ସେନଙ୍କଠାରୁ ଜମି ଫେରାଇ ଆଣିବା ପାଇଁ ବିଶ୍ୱବିଦ୍ୟାଳୟ ଆଇନଗତ ପଦକ୍ଷେପ ଗ୍ରହଣ କରିବ। ସେ କହିଛନ୍ତି ଯେ ଜମିର ଜବରଦଖଲକୁ ସମର୍ଥନ କରାଯାଇପାରିବ ନାହିଁ ଏବଂ ଆଇନ ସମସ୍ତଙ୍କ ପାଇଁ ସମାନ ହେବା ଉଚିତ୍।

ଗୁରୁବାର ଏକ ଖୋଲା ଚିଠିରେ ଚକ୍ରବର୍ତ୍ତୀ କହିଛନ୍ତି ଯେ ବିଶ୍ୱବିଦ୍ୟାଳୟ ଦ୍ୱାରା ସେନଙ୍କୁ ଦିଆଯାଇଥିବା ନୋଟିସ ସାର୍ବଜନୀନ କରାଯାଇଛି ଏବଂ ବିବାଦୀୟ ଜମିର ଆଇନଗତ ମାଲିକାନା ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ପ୍ରଦାନ କରିଥିବାରୁ ଏହା ଭିତ୍ତିହୀନ | ଉଲ୍ଲେଖ ଥାଉ କି ବିଶ୍ୱବିଦ୍ୟାଳୟ ପକ୍ଷରୁ କୁହାଯାଇଆସୁଛି ଯେ ଶାନ୍ତିନିକେତନ ପରିସରରେ ଆଇନତଃ ଅମର୍ତ୍ତ୍ୟ ସେନ୍‌ଙ୍କର ୧.୨୫ ଏକର୍‌ ଜମି ଅଛି। କିନ୍ତୁ, ସେ ୧.୩୮ ଏକର୍‌ ଦଖଲ କରିଛନ୍ତି। ଅବଶିଷ୍ଟ ୧୩ ଡେସିମିଲ୍‌ ଜମି ଖାଲି କରି ବିଶ୍ବବିଦ୍ୟାଳୟକୁ ଫେରାଇଦେବା ଉଚିତ |

ଅନ୍ୟପଟେ ଅମର୍ତ୍ତ୍ୟ ସେନ କହିଆସୁଛନ୍ତି ଯେ ଅକ୍ଟୋବର ୧୯୪୩ରେ ତତ୍କାଳୀନ ବିଶ୍ୱଭାରତୀର ସାଧାରଣ ସମ୍ପାଦକ ରତିନ୍ଦ୍ରନାଥ ଟାଗୋର ତାଙ୍କ ପିତା ଆଶୁତୋଷ ସେନଙ୍କୁ ୯୯ ବର୍ଷର ଲିଜରେ ୧.୩୮ ଏକର ଜମି ଦେଇଥିଲେ, ଯେଉଁଠାରେ ପରବର୍ତ୍ତୀ ସମୟରେ ତାଙ୍କ ଘର 'ପ୍ରତୀଚି' ନିର୍ମାଣ କରାଯାଇଥିଲା।