ଗଣତନ୍ତ୍ରର ମହାପର୍ବରେ ସାମିଲ ହେଲେ ଉପରାଷ୍ଟ୍ରପତି ଭେଙ୍କୟା ନାଇଡୁ, ଭୋଟ ଦେବା ପାଇଁ ବିଦେଶ ଗସ୍ତ ଅଧାରୁ ଭାରତ ଫେରି ଆସିଥିଲେ ଉପରାଷ୍ଟ୍ରପତି

ନୂଆଦିଲ୍ଲୀ : ଷଷ୍ଠ ପର୍ଯ୍ୟାୟ ନିର୍ବାଚନ ପାଇଁ ଭୋଟ ଗ୍ରହଣ ଚାଲିଥିବା ବେଳେ ଭୋଟରଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଛି । ରବିବାରରେ ଭୋଟଗ୍ରହଣ ହେଉଥିବାରୁ ଲୋକମାନେ ମଧ୍ୟ ବହୁମାତ୍ରାରେ ଭୋଟ ଦେବାକୁ ମତଦାନକେନ୍ଦ୍ରକୁ ଆସୁଛନ୍ତି । ବଡ ବଡ ନେତା ଓ ସେଲିବ୍ରିଟିମାନେ ମଧ୍ୟ ଗଣତନ୍ତ୍ରର ଏହି ମହାପର୍ବରେ ନିଜକୁ ସାମିଲ କରୁଛନ୍ତି । ଏସବୁ ଭିତରେ ଉପରାଷ୍ଟ୍ରପତି ଏମ ଭେଙ୍କୟା ନାଇଡୁ ମଧ୍ୟ ନିଜର ମତଦାନ ଅଧିକାର ସାବ୍ୟସ୍ତ କରିଛନ୍ତି । ଦିଲ୍ଲୀର ନିର୍ମାଣ ଭବନରେ ଥିବା ପୋଲିଂ ବୁଥରେ ପତ୍ନୀଙ୍କ ସହ ଭୋଟ ଦେଇଛନ୍ତି ଉପରାଷ୍ଟପ୍ରତି ଭେଙ୍କୟା ନାଇଡୁ ।

Delhi: Vice President Venkaiah Naidu and his wife Usha after casting their votes at Nirman Bhawan polling booth. pic.twitter.com/focF73Xppi

— ANI (@ANI) May 12, 2019

ଗଣତନ୍ତ୍ରର ଏହି ମହାପର୍ବରେ ସାମିଲ ହେବାକୁ ଉପରାଷ୍ଟ୍ରପତି ଭେଙ୍କୟା ନାଇଡୁ ବିଦେଶରୁ ଫେରି ଆସିଥିଲେ । ସଂଯୁକ୍ତ ରାଷ୍ଟ୍ରରେ ମୁଖ୍ୟ ବ୍ୟକ୍ତା ଭାବେ ଭାଷଣ ଦେବାକୁ ଥିବା ବେଳେ ମତଦାନ ପାଇଁ ଭାରତ ଫେରି ଆସିଥିଲେ ଉପରାଷ୍ଟ୍ରପତି ଭେଙ୍କୟା ନାଇଡୁ । ଭୋଟ ଦେବା ପରେ ଏହି ମହାପର୍ବରେ ସମସ୍ତଙ୍କୁ ସାମିଲ ହେବାକୁ ଅପିଲ କରିଛନ୍ତି ଭେଙ୍କୟା ।

Delhi: Former President of India, Pranab Mukherjee casts his vote at a polling booth in NP Primary School, K Kamraj Lane. #Phase6 #LokSabhaElections2019 pic.twitter.com/tfi432GzBv

— ANI (@ANI) May 12, 2019

ଉପରାଷ୍ଟ୍ରପତିଙ୍କ ପୂର୍ବରୁ ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ ମଧ୍ୟ ଗଣତନ୍ତ୍ରର ଏହି ମହାପର୍ବରେ ନିଜକୁ ସାମିଲ କରିଛନ୍ତି । ଦିଲ୍ଲୀର ଏନପି ପ୍ରାଥମିକ ବିଦ୍ୟାଳୟରେ ଥିବା ବୁଥରେ ଭୋଟ ଦେଇ ନିଜର ମତାଧିକାର ସାବ୍ୟସ୍ତ କରିଛନ୍ତି ପ୍ରଣବ ମୁର୍ଖାଜୀ । ସେହିଭଳି ଗାନ୍ଧୀ ପରିବାରର ସଦସ୍ୟ ମଧ୍ୟ ଭୋଟ ଦେଇ ନିଜର ମତାଧିକାର ସାବ୍ୟସ୍ତ କରିଛନ୍ତି । ସ୍ୱାମୀ ରର୍ବଟ ଭଦ୍ରାଙ୍କ ସହ ଭୋଟ ଦେବା ପରେ ପ୍ରିୟଙ୍କା କହିଛନ୍ତି, କଂଗ୍ରେସ ଚଳିତ ଥର ଆଶା ଠାରୁ ଅଧିକ ଆସନରେ ବିଜୟୀ ହେବ । ଜନତା ଜନାର୍ଦ୍ଦନ ଭୋଟରେ ଜବାବ ଦେବେ ।