ନୂଆଦିଲ୍ଲୀ: ସୋସିଆଲ ମିଡିଆରେ ନିକଟରେ ଏକ ଭିଡିଓ ଭାଇରାଲ ହୋଇଛି। ଯେଉଁଥିରେ ଜଣେ ବୃଦ୍ଧଙ୍କ ବେକରେ ଅଜଗର ସାପ ଗୁଡ଼ାଇ ହୋଇଥିବା ଦେଖିବାକୁ ମିଳୁଛି। ଏହି କାରଣରୁ ବୃଦ୍ଧ ଜଣକ ଅଣନିଶ୍ବାସୀ ବି ହୋଇଯାଇଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
ତେବେ କୁହାଯାଉଛି କି, ଅଜଗର ଯେଉଁ ରାସ୍ତା ଦେଇ ଯାଉଥିଲା ସେହି ରାସ୍ତା ଦେଇ ବୃଦ୍ଧ ବି ଯାଉଥିଲେ। ଏହି ସମୟରେ ସେ ଅଜଗରକୁ ହଇରାଣ କରିଥିଲେ। ଏଥିରେ ରାଗି ଯାଇ ଅଜଗର ବୃଦ୍ଧଙ୍କୁ ଆକ୍ରମଣ କରି ତାଙ୍କ ଗଳାରେ ଗୁଡ଼ାଇ ହୋଇଯାଇଥିଲା। ଏ ଦୃଶ୍ୟ ଦେଖି ଘଟଣାସ୍ଥଳରେ ଥିବା ଦୁଇଜଣ ପିଲା ବୃଦ୍ଧଙ୍କ ବେକରୁ ଅଜଗରଟିକୁ କାଢ଼ିବା ପାଇଁ ବହୁ ଉଦ୍ୟମ କରିଥିଲେ।
ଶେଷରେ ବୃଦ୍ଧଜଣକ ଅଜଗର ସହିତ ତଳେ ପଡ଼ି ଅଣନିଶ୍ବାସୀ ହୋଇଯାଇଥିଲେ। ଏହି ସମୟରେ ଦୁଇଜଣ ପିଲା ଅଜଗର ଲାଞ୍ଜ ଓ ମୁଣ୍ଡକୁ ଧରି ବୃଦ୍ଧଙ୍କ ଗଳାରୁ ବାହାର କରିବା ପାଇଁ ଚେଷ୍ଟା କରିଥିଲେ। କିନ୍ତୁ ଏହାପରେ କ’ଣ ଘଟିଲା, ବୃଦ୍ଧଙ୍କ ଅବସ୍ଥା କିପରି ଅଛି ସେନେଇ କିଛି ସ୍ପଷ୍ଟ ହୋଇ ନଥିଲା। କାରଣ ଭିଡଓରେ ଏତିକି ହିଁ ଦେଖିବାକୁ ମିଳୁଛି।
View this post on Instagram
ଏହି ଭିଡିଓକୁ vishnurawal_media ନାମକ ପେଜରୁ ସେୟାର କରାଯାଇଛି। ସେୟାର ହେବା ପରଠାରୁ ଏହି ଭିଡିଓକୁ ହଜାରହଜାର ଲୋକ ଦେଖି ସାରିଲେଣି।