ବିହାରକୁ ବ୍ୟାପିଲା ରାମନବମୀ ହିଂସା ; ନାଳନ୍ଦା, ସାସାରାମରେ ଉତ୍ତେଜନା
ପାଟନା : ରାମନବମୀ ଅବସରରେ ଦେଶର ଅନେକ ରାଜ୍ୟରେ ହିଂସା ଦେଖିବାକୁ ମିଳିଛି । ପଶ୍ଚିମବଙ୍ଗ, ଗୁଜରାଟରେ ଏବେ ବିହାରରେ ଉତ୍ତେଜନା ସୃଷ୍ଟି ହୋଇଛି । ବିହାରର ନାଳନ୍ଦା ଓ ସାସାରାମରେ ଦୁଇଗୋଷ୍ଠୀ ମଧ୍ୟରେ ହିଂସା ଦେଖିବାକୁ ମିଳିଛି । ଏହା ପରେ ସଂପୃକ୍ତ ଅଂଚଳରେ ୧୪୪ ଧାରା ଜାରି କରାଯାଇଛି ।
Sambad is now on WhatsApp
Join and get latest news updates delivered to you via WhatsApp
ନାଲନ୍ଦା ଜିଲ୍ଲାର ବିହାରଶରିଫରେ ଦୁଇ ସମ୍ପ୍ରଦାୟ ମଧ୍ୟରେ ଭୟଙ୍କର ହିଂସାକାଣ୍ଡ ଘଟିଛି। ବିହାରଶରିଫର ଗଗନ ଦିୱାନରେ ରାମନବମୀ ଶୋଭାଯାତ୍ରାକୁ ନେଇ ବଜରଙ୍ଗ ଦଳ ପକ୍ଷରୁ ଏକ ବିଶାଳ ଶୋଭାଯାତ୍ରା ବାହାରିଥିଲା । ଶୋଭାଯାତ୍ରାରେ ହଜାର ହଜାର ଲୋକ ଉପସ୍ଥିତ ଥିବା ବେଳେ ଅନ୍ୟ କେତେକ ଗୋଷ୍ଠୀଙ୍କ ପକ୍ଷରୁ ପଥରମାଡ଼ ହୋଇଥିଲା । ଏବାକୁ ନେଇ ହିଂସା ଦେଖାଯାଇଥିଲା । ଘଟଣା ଏତେ ବଢିଯାଇଥିଲା ଯେ ଉଭୟ ପକ୍ଷରୁ ଗୁଳିଚାଳନା ମଧ୍ୟ ଆରମ୍ଭ ହୋଇଥିଲା । ଏହି ହିଂସାକାଣ୍ଡରେ ଅନେକ ଘର କୁ ଟାର୍ଗେଟ କରାଯିବା ସହ ଭଙ୍ଗାରୁଜା ହୋଇଥିବା ଖବର ମଧ୍ୟ ସାମ୍ନାକୁ ଆସିଛି । ବିହାରଶରିଫ ସହରରୁ ଆରମ୍ଭ ହୋଇଥିବା ଏହି ହିଂସା ଏବେ ଅନ୍ୟ ଅଞ୍ଚଳକୁ ମଧ୍ୟ ବ୍ୟାପିଛି।
ସେହିପରି ସାସାରାମ ସହରରେ ବି ଦୁଇ ସଂପ୍ରଦାୟ ମଧ୍ୟରେ ହିଂସା ଦେଖିବାକୁ ମିଳିଛି । ଚୈତି ଦୁର୍ଗାପୂଜାର ଶୋଭା ଯାତ୍ରା ସମୟରେ ଦୁଇ ଗୋଷ୍ଠୀ ମଧ୍ୟରେ ବିବାଦ ହୋଇଥିଲା ଏବଂ ବିବାଦ ପରେ ପଥର ମାଡ଼ ଆରମ୍ଭ ହୋଇଥିଲା। ଯାହା ପରେ ହିଂସା କାଣ୍ଡ ଘଟିଥିଲା। ସେଠାରେ ନିଆଁ ଲାଗିଯାଇଥିଲା। କିଛି ଘରେ ନିଆଁ ଲାଗିଯାଇଥିଲା। ଗୁଳି ମଧ୍ୟ ମାଡ଼ ହୋଇଥିବା ଦାବି କରାଯାଉଛି, ଯଦିଓ ସରକାରୀ ଭାବେ କୌଣସି ସୂଚନା ମିଳିନାହିଁ। ହିଂସାକୁ ଶାନ୍ତ କରିବା ବେଳେ କିଛି ପୁଲିସ କର୍ମଚାରୀ ମଧ୍ୟ ଆହତ ହୋଇଥିବା ସୂଚନା ମିଳିଛି ।