ଇମ୍ଫାଲ : ମଣିପୁରରେ ଅବାଧ ଯାନବାହନ ଚଳାଚଳ ଆରମ୍ଭ ହେବା ପରେ ଶନିବାର କୁକି ଓ ମେଇତି ଜନବହୁଳ ଅଞ୍ଚଳରେ ପୁଣି ଥରେ ହିଂସା କାଣ୍ଡ ଘଟିଛି। କୁକି ଅଧ୍ୟୁଷିତ ଜିଲ୍ଲାରେ ବିକ୍ଷୋଭକାରୀମାନେ କେନ୍ଦ୍ର ଗୃହମନ୍ତ୍ରୀ ଅମିତ ଶାହାଙ୍କ ରାଜ୍ୟରେ ମାଗଣା ଯାତାୟାତ ପାଇଁ ଦେଇଥିବା ନିର୍ଦ୍ଦେଶକୁ ବିରୋଧ କରୁଥିଲେ। ଭିଡ଼କୁ ହଟାଇବା ପାଇଁ ପୁଲିସ ଲୁହବୁହା ଗ୍ୟାସ୍ ସେଲ୍ ପ୍ରୟୋଗ କରିଥିଲା, ଯାହା ହିଂସାତ୍ମକ ରୂପ ନେଇ ଘରୋଇ ଗାଡ଼ିରେ ନିଆଁ ଲଗାଇ ଦେଇଥିଲା।

Advertisment

ସୁରକ୍ଷାବାହିନୀ ଓ ବିକ୍ଷୋଭକାରୀଙ୍କ ମଧ୍ୟରେ ହୋଇଥିବା ସଂଘର୍ଷରେ ଜଣେ ବିକ୍ଷୋଭକାରୀଙ୍କ ମୃତ୍ୟୁ ଘଟିଥିବା ବେଳେ ୨୫ ଜଣ ଆହତ ହୋଇଛନ୍ତି। ଇମ୍ଫାଲ, ଚୁରାଚାନ୍ଦପୁର, କାଙ୍ଗପୋକପି, ବିଷ୍ଣୁପୁର ଓ ସେନାପତିଙ୍କୁ ସଂଯୋଗ କରୁଥିବା ରାସ୍ତାରେ ଶନିବାର ବସ୍ ଚଳାଚଳ ଆରମ୍ଭ ହେବା ପରେ କୁକି ସମ୍ପ୍ରଦାୟର ଲୋକମାନେ ବିରୋଧ କରିବା ଆରମ୍ଭ କରିଥିଲେ।

ସୁରକ୍ଷାବାହିନୀ ଓ ବିକ୍ଷୋଭକାରୀଙ୍କ ମଧ୍ୟରେ ହୋଇଥିବା ସଂଘର୍ଷରେ ଜଣେ ବିକ୍ଷୋଭକାରୀଙ୍କ ମୃତ୍ୟୁ ଘଟିଥିବା ବେଳେ ୨୫ ଜଣ ଆହତ ହୋଇଛନ୍ତି। ଇମ୍ଫାଲ, ଚୁରାଚାନ୍ଦପୁର, କାଙ୍ଗପୋକପି, ବିଷ୍ଣୁପୁର ଓ ସେନାପତିଙ୍କୁ ସଂଯୋଗ କରୁଥିବା ରାସ୍ତାରେ ଶନିବାର ବସ୍ ଚଳାଚଳ ଆରମ୍ଭ ହେବା ପରେ କୁକି ସମ୍ପ୍ରଦାୟର ଲୋକମାନେ ବିରୋଧ କରିବା ଆରମ୍ଭ କରିଥିଲେ।

ଆନ୍ତଃଜିଲ୍ଲା ବସ୍ ଚଳାଚଳ ଆରମ୍ଭ ହେବା ମାତ୍ରେ ଗମଗିକଇ ଅଞ୍ଚଳରେ ଏକ ଭିଡ଼ ସେନାପତି ଜିଲ୍ଲା ଅଭିମୁଖେ ଯାଉଥିବା ଏକ ଯାତ୍ରୀବାହୀ ବସ୍ ଉପରେ ପଥର ଫିଙ୍ଗି ଆକ୍ରମଣ କରିଥିଲା। ଏହାର ଜବାବରେ ସୁରକ୍ଷାବାହିନୀ ଲୁହବୁହା ଗ୍ୟାସ ସେଲ ପ୍ରୟୋଗ କରିବା ସହ ଭିଡ଼କୁ ହଟାଇବା ପାଇଁ ଲାଠିଚାଳନା କରିଥିଲେ। ମିଳିଥିବା ସୂଚନା ଅନୁଯାୟୀ, ସୁରକ୍ଷାବାହିନୀ ଏକ ବଡ଼ ଧରଣର ଅପରେସନ କରି ୧୧୪ଟି ଅସ୍ତ୍ରଶସ୍ତ୍ର, ଆଇଇଡି ଗ୍ରେନେଡ୍ ଓ ଗୋଳାବାରୁଦ ଜବତ କରିଛି। ସେପଟେ ରାଜ୍ୟର ବିଭିନ୍ନ ଅପରେସନରେ ନିଷିଦ୍ଧ ସଂଗଠନର ୭ ଜଣ ସଦସ୍ୟଙ୍କୁ ଗିରଫ କରାଯାଇଛି ।