ପିଲାଦିନେ ‘ମୁଁ ସଚିନ ତେନ୍ଦୁକଲ୍‌ ହେବି’ ବୋଲି କହୁଥିଲେ କୋହଲି

ନୂଆଦିଲ୍ଲୀ: ପିଲାଟି ଦିନରୁ ସଚିନ ତେନ୍ଦୁଲକରଙ୍କ ପରି କ୍ରିକେଟର୍‌ ହେବାକୁ ଚାହୁଁଥିଲେ ଷ୍ଟାର ଇଣ୍ଡିଆ ବ୍ୟାଟ୍ସମ୍ୟାନ୍ ବିରାଟ କୋହଲି। ଏନେଇ ତାଙ୍କ ସ୍କୁଲ୍‌ ଶିକ୍ଷୟିତ୍ରୀ ବିଭା ସଚଦେବ ସ୍ପଷ୍ଟ କରିଛନ୍ତି। ବିରାଟଙ୍କର ପିଲାଦିନରୁ ଭାରତର ପରବର୍ତ୍ତୀ ସଚିନ ତେନ୍ଦୁଲକର ହେବାର ଆକାଂକ୍ଷା ଥିଲା।

ବିରାଟ କୋହଲିଙ୍କୁ ଆଜି ସମସ୍ତ ଫର୍ମାଟରେ ସର୍ବୋତ୍ତମ ବ୍ୟାଟ୍ସମ୍ୟାନ୍ ଏବଂ ସଚିନଙ୍କ ସ୍ଥାନ ନେଇ ପାରିଥିବା ଭାରତୀୟ ଖେଳାଳି ଭାବରେ ବିବେଚନା କରାଯାଉଛି।

୩୬ ବର୍ଷୀୟ ଖେଳାଳୀଙ୍କ ବିଷୟରେ ନିକଟରେ ତାଙ୍କ ସ୍କୁଲ ଶିକ୍ଷୟିତ୍ରୀ ତାଙ୍କର ପିଲାଦିନ ବିଷୟରେ ଅନେକ କଥା କହିଥିଲେ ଏବଂ ପ୍ରକାଶ କରିଥିଲେ ଯେ ସେ ସମସ୍ତ ସ୍କୁଲ କାର୍ଯ୍ୟକଳାପରେ ଅଂଶଗ୍ରହଣ କରିବାକୁ ଭଲପାଆନ୍ତି। ସେ ଏହା ମଧ୍ୟ କହିଥିଲେ ଯେ କୋହଲି ଛୋଟ ବୟସରୁ ହିଁ ଭାରତର ପରବର୍ତ୍ତୀ ସଚିନ ତେନ୍ଦୁଲକର ହେବାକୁ ମନସ୍ଥ କରିଥିଲେ। ଲୋକମାନେ ତାଙ୍କ ଦୃଢ଼ତା ଏବଂ ଆତ୍ମବିଶ୍ୱାସକୁ ସେ ସମୟରୁ ହିଁ ଦେଖି ସାରିଥିଲେ। 

"ତାଙ୍କ ଆଖି ବହୁତ ଭାବପ୍ରବଣ ଥିଲା। ବିରାଟ ସମସ୍ତ ସ୍କୁଲ କାର୍ଯ୍ୟକଳାପରେ ସକ୍ରିୟ ଅଂଶଗ୍ରହଣକାରୀ ଥିଲେ, ସେ ସମସ୍ତ ଆନ୍ତଃହାଉସ୍ କାର୍ଯ୍ୟକଳାପରେ ଉତ୍ସାହୀ ଏବଂ ଆଗ୍ରହୀ ଅଂଶଗ୍ରହଣକାରୀ ଥିଲେ। 'ମ୍ୟାଡାମ୍, ମୁଁ ଭାରତୀୟ ଦଳର ପରବର୍ତ୍ତୀ ସଚିନ ତେନ୍ଦୁଲକର ହେବି' ଏହି ଉକ୍ତିଟି ପ୍ରାୟ ସେ ବାରମ୍ବାର କହୁଥିଲେ। ହଁ, ସେହି ସମୟରେ ବଡ଼ ବଡ଼ ଆଖି ଥିବା ଏକ ବାଳକର କଥା ଆମକୁ ହସାଉଥିଲା’’ ବୋଲି ଶିକ୍ଷୟିତ୍ରୀ ବିଭା ସଚଦେବ କହିଛନ୍ତି। 

ଏହା ବ୍ୟତୀତ, ବିଭା ସଚଦେବ ଏହା ମଧ୍ୟ ପ୍ରକାଶ କରିଥିଲେ ଯେ କୋହଲି କ୍ରୀଡା ଏବଂ ଶିକ୍ଷା ଉଭୟରେ କଠିନ ପରିଶ୍ରମୀ ଥିଲେ।ହେଲେ ତାଙ୍କୁ ଅଭ୍ୟାସ କରିବାକୁ ପଡ଼ିବାରୁ ତାଙ୍କ ପାଠପଢ଼ା ପଛରେକୁ ପଡ଼ିଗଲା।