ଏବେ ‘ଭିଆଇ’ ବ୍ରାଣ୍ଡ ନାମରେ ପରିଚିତ ହେବେ ଭୋଡାଫୋନ ଆଇଡିଆ

ନୂଆଦିଲ୍ଲୀ: ଭୋଡାଫୋନ୍-ଆଇଡିଆ ବର୍ତ୍ତମାନ ଏକ ନୂଆ ବ୍ରାଣ୍ଡ ନାମ ସହିତ ଉପଲବ୍ଧ ହେବ | ଏବେ ଏହାକୁ ‘ଭିଆଇ’ (‘ଭି’)ବୋଲି କୁହାଯିବ | ଏକ ଇଭେଣ୍ଟ ସମୟରେ କମ୍ପାନି ଏହି ନୂତନ ବ୍ରାଣ୍ଡ ନାମ ଏବଂ ଲୋଗୋ ଘୋଷଣା କରିଛି | ଭୋଡାଫୋନ୍ ପାଇଁ ‘ଭି’ ଏବଂ ଆଇଡିଆ ପାଇଁ ‘ଆଇ’ ରଖାଯାଇ ନୂଆ ବ୍ରାଣ୍ଡର ନାଁ ରଖାଯାଇଛି | ଭାରତରେ ଦୁଇ କମ୍ପାନିର ମିଶ୍ରଣ ହେବା ପରେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ଉଭୟ କମ୍ପାନି ନିଜ ନାମରେ କାମ କରୁଥିଲେ, କିନ୍ତୁ ବର୍ତ୍ତମାନ ଏଥିରେ ପରିବର୍ତ୍ତନ ଅଣାଯାଇଛି |

କମ୍ପାନି ଏକ ବିବୃତ୍ତିରେ କହିଛି ଯେ, ଭବିଷ୍ୟତକୁ ଆଖି ଆଗରେ ରଖି ‘ଭିଆଇ’କୁ ଆମେ ଆଣିଛୁ ଏବଂ ବର୍ତ୍ତମାନ ଉଭୟ କମ୍ପାନି ସମାନ ବ୍ରାଣ୍ଡ ନାମରେ ବ୍ୟବସାୟ କରିବେ। କମ୍ପାନି କହିଛି ଯେ, ୪ଜି ସହିତ କମ୍ପାନି ପାଖରେ ୫ଜି ଟେକ୍ନୋଲୋଜି ମଧ୍ୟ ଅଛି। କମ୍ପାନି ଏହା ମଧ୍ୟ ଦାବି କରିଛି ଯେ, ମିଶ୍ରଣ ପରଠାରୁ ସାରା ଦେଶରେ ୪ଜି କଭରେଜ୍ ଦ୍ୱିଗୁଣିତ ହୋଇଛି। ଯଦିଓ କମ୍ପାନି ଏହି ସମୟ ମଧ୍ୟରେ ନୂତନ ଯୋଜନା ଘୋଷଣା କରିନାହିଁ, କିନ୍ତୁ ଶୁଳ୍କ ମୂଲ୍ୟ ବୃଦ୍ଧି ହେବ ବୋଲି ସୂଚିତ କରାଯାଇଛି।

SEBI's conditional nod to Idea-Vodafone merger: What are the terms?
NewsBytes

ଭୋଡାଫୋନ୍-ଆଇଡିଆ ଲିମିଟେଡ୍ ସିଇଓ ରବିନ୍ଦ୍ର ଟକ୍କର କହିଛନ୍ତି ଯେ, ଭୋଡାଫୋନ୍-ଆଇଡିଆ ଏକ ମିଶ୍ରିତ ସଂସ୍ଥା ଭାବରେ ଦୁଇ ବର୍ଷ ପୂର୍ବେ ପ୍ରତିଷ୍ଠିତ ହୋଇଥିଲା। ସେବେଠାରୁ, ଉଭୟ ବଡ ନେଟୱାର୍କକୁ ଏକତ୍ର କରିବାର କାର୍ଯ୍ୟ ଚାଲିଥିଲା ​​ଏବଂ ବର୍ତ୍ତମାନ ଏହା ଭିଆଇ ବ୍ରାଣ୍ଡ ନାମ ସହିତ ପରିଚିତ ହେବ |

ସମ୍ବନ୍ଧିତ ଖବର
AdBlock Detected

Looks like you are using an ad-blocking browser extension. We request you to whitelist our website on the ad-blocking extension and refresh your browser to view the content.