ଜାତୀୟ କ୍ରିକେଟ୍ ଏକାଡେମୀର ମୁଖ୍ୟ ହେବେ ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳି ଭିଭିଏସ୍ ଲକ୍ଷ୍ମଣ
ନୂଆଦିଲ୍ଲୀ: ଜାତୀୟ କ୍ରିକେଟ୍ ଏକାଡେମୀ(ଏନସିଏ)ର ମୁଖ୍ୟ ହେବେ ଭାରତୀୟ କ୍ରିକେଟ ଟିମର ପୂର୍ବତନ ଖେଳାଳି ଭିଭିଏସ୍ ଲକ୍ଷ୍ମଣ। ରବିବାର ଦିନ ଏନେଇ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ସୂଚନା ଦେଇଛନ୍ତି । କିଛିଦିନ ପୂର୍ବରୁ ସୌରଭ ଗାଙ୍ଗୁଲି ଲକ୍ଷ୍ମଣଙ୍କୁ ଏନସିଏର ଅଧ୍ୟକ୍ଷ ହେବାକୁ ରାଜି କରାଇଥିଲେ । ଏବେ ଲକ୍ଷ୍ମଣ ପୂର୍ବତନ ମୁଖ୍ୟ ରାହୁଲ ଦ୍ରାବିଡଙ୍କ ସ୍ଥାନରେ ନିଯୁକ୍ତ ହେବେ ବୋଲି ଜଣାପଡ଼ିଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ କ୍ରିକେଟ ଟିମର ପୂର୍ବତନ ଅଧିନାୟକ ତଥା ବିସିସିଆଇର ଅଧ୍ୟକ୍ଷ ସୌରଭ ଗାଙ୍ଗୁଲି ସବୁବେଳେ ପ୍ରୟାସ କରିଥାନ୍ତି ଯେ, ପୂର୍ବ କ୍ରିକେଟ ଖେଳାଳିମାନେ ଆଗକୁ ଆସି ଭାରତୀୟ କ୍ରିକେଟର ବିକାଶ ପାଇଁ କାମ କରନ୍ତୁ । ଏହା ପୂର୍ବରୁ ବି ଗାଙ୍ଗୁଲି ରାହୁଲ ଦ୍ରାବିଡକୁ ଭାରତୀୟ ଟିମର ମୁଖ୍ୟ କୋଚ ହେବାକୁ ରାଜି କରାଇଥିଲେ । ଲକ୍ଷ୍ମଣଙ୍କୁ ଏନସିଏର ମୁୁଖ୍ୟ କରିବାକୁ କେବଳ ଗାଙ୍ଗୁଲି ନୁହେଁ ବିସିସିଆଇ ସଚିବ ଜୟ ଶାହଙ୍କ ସମେତ ଅନେକ ବିସିସିଆଇ ଅଧିକାରୀ ଚାହୁଁଥିଲେ ।
ଉଲ୍ଲେଖଯୋଗ୍ୟ, ରାହୁଲ ଦ୍ରାବିଡ ଓ ଲକ୍ଷ୍ମଣଙ୍କ ମଧ୍ୟରେ ସୁସଂପର୍କ ରହିଛି । ଗୋଟେ ପଟେ ଦ୍ରାବିଡ ଭାରତୀୟ ଟିମର ମୁଖ୍ୟ କୋଚ ହୋଇଥିବା ବେଳେ ଲକ୍ଷ୍ମଣ ଏନସିଏର ମୁଖ୍ୟ ହେଲେ ଟିମ ଉପରେ ଏହାର ଭଲ ପ୍ରଭାବ ପଡିବ ବୋଲି ଆଶା କରାଯାଉଛି । ନଭେମ୍ବର ୧୭ ତାରିଖଠାରୁ ଆରମ୍ଭ ହେବାକୁ ଥିବା ନ୍ୟୁଜିଲାଣ୍ଡ ବିପକ୍ଷରେ ଟି-୨୦ ସିରିଜରେ ରାହୁଲ ଦ୍ରାବିଡ ଭାରତୀୟ ଟିମର ମୁଖ୍ୟ କୋଚ ଭାବେ କାମ କରିବେ । ତାଙ୍କର କାର୍ଯ୍ୟକାଳ ୨୦୨୩ ପର୍ଯ୍ୟନ୍ତ ରହିଛି ।