ନୂଆଦିଲ୍ଲୀ : ୟୁକ୍ରେନ ଯୁଦ୍ଧ କେବେ ଶେଷ ହେବ, ତାହାକୁ ନେଇ ବିଶ୍ବବାସୀ ଚାହିଁରହିଥିବାବେଳେ ଭାରତ ଗସ୍ତରେ ଥିବା ବ୍ରିଟିଶ ପ୍ରଧାନମନ୍ତ୍ରୀ ବୋରିସ ଜନସନ କହିଛନ୍ତି ଏହି ଯୁଦ୍ଧ ୨୦୨୩ ଶେଷ ପର୍ଯ୍ୟନ୍ତ ଚାଲିବାର ଆଶଙ୍କା ରହିଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସହ ମିଳିତ ସାମ୍ବାଦିକ ସମ୍ମିଳନୀକୁ ସମ୍ବୋଧିତ କରିବା ଅବସରରେ ସେ କହିଛନ୍ତି ଯେ, ଏହି ଯୁଦ୍ଧର କୌଣସି ତୁରନ୍ତ ସମାଧାନ ବାହାରିବା ପରି ଲାଗୁନାହିଁ । ଏହି ଯୁଦ୍ଧ ଆସନ୍ତା ବର୍ଷ ଶେଷ ପର୍ଯ୍ୟନ୍ତ ଚାଲିବ ବୋଲି ପ୍ରତିରକ୍ଷା ଗୁଇନ୍ଦା ସଂସ୍ଥାଗୁଡ଼ିକ ଯେଉଁ ଆକଳନ କରୁଛନ୍ତି ତାହା ଏକ ପ୍ରକୃତ ସମ୍ଭାବନା ହୋଇପାରେ ।
ଅନ୍ୟପକ୍ଷରେ ଏହି ଯୁଦ୍ଧ ପ୍ରସଙ୍ଗରେ ଭାରତର ଭୂମିକାକୁ ନେଇ ଆମେରିକା ଓ ଆଉ କେତେକ ଦେଶ ପ୍ରଶ୍ନ ଉଠାଉଥିବାବେଳେ ମୋଦୀଙ୍କୁ କ୍ଲିନ ଚିଟ ଦେଇଛନ୍ତି ଜନସନ । ସେ କହିଛନ୍ତି ଯେ, ଯୁଦ୍ଧ ବନ୍ଦ ପାଇଁ ମୋଦୀ ଉଦ୍ୟମ କରିଛନ୍ତି । ଭାରତ ମଧ୍ୟ ବୁଚା ଗଣହତ୍ୟାକୁ କଠୋର ଭାଷାରେ ନିନ୍ଦା କରିଛି । ୟୁକ୍ରେନ ଯୁଦ୍ଧ ବନ୍ଦ ହେଉ ଓ ରୁଷ ସୈନ୍ୟ ୟୁକ୍ରେନରୁ ଫେରନ୍ତୁ ବୋଲି ଭାରତ ଚାହୁଁଛି । ଅବଶ୍ୟ ମସ୍କୋ ସହିତ ଭାରତର ଐତିହାସିକ ସମ୍ପର୍କ ରହିଛି । ଆମେ ତାହାକୁ ସମ୍ମାନ ଜଣାଉଛୁ ।