ଜିଏସଟି ଉପରେ ମୋଦୀ ସରକାରଙ୍କୁ ସମର୍ଥନ କରିବା ଏକ ଭୁଲ ଥିଲା : ମମତା
କୋଲକାତା : ଟିଏମସି ସୁପ୍ରିମୋ ତଥା ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ମଙ୍ଗଳବାର ଏକ କାର୍ଯ୍ୟକ୍ରମରେ କହିଛନ୍ତି ଯେ ଜିଏସଟି ଉପରେ ମୋଦି ସରକାରଙ୍କୁ ସମର୍ଥନ କରିବା ତାଙ୍କର ଏକ ଭୁଲ ଥିଲା । ସେତେବେଳେ ଟିଏମସି ଭୁଲ ନିଷ୍ପତ୍ତି ନେଇଥିଲା ।
Sambad is now on WhatsApp
Join and get latest news updates delivered to you via WhatsApp
ମମତା ବାନାର୍ଜୀ ଦାବି କରିଛନ୍ତି ଯେ କେନ୍ଦ୍ରର ମୋଦୀ ସରକାର ପଶ୍ଚିମବଙ୍ଗକୁ ଜିଏସଟି ଆଦାୟର ଅଂଶ ଦେଉନାହାନ୍ତି, ଯାହା ଫଳରେ ବିକାଶ ମୂଳକ କାର୍ଯ୍ୟ ସମ୍ପୂର୍ଣ୍ଣ କରିବା କିମ୍ବା ଆରମ୍ଭ କରିବାରେ ସମସ୍ୟା ସୃଷ୍ଟି ହେଉଛି। ଏହି ପ୍ରସଙ୍ଗରେ ରାଜ୍ୟରେ ଟିଏମସି ଓ ବିଜେପି ମୁହାଁମୁହିଁ ହୋଇଛନ୍ତି ।
ମମତା ବାନାର୍ଜୀ କହିଛନ୍ତି ଯେ ପଶ୍ଚିମବଙ୍ଗରୁ ଆଦାୟ ହେଉଥିବା ସାମଗ୍ରୀ ଓ ସେବା ଟିକସ (ଜିଏସଟି)ରୁ କେନ୍ଦ୍ର ସରକାର ପଶ୍ଚିମବଙ୍ଗକୁ ନିଜ ଭାଗରୁ ବଞ୍ଚିତ କରୁଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ ସେ ଜିଏସଟି ବିଲ୍ ପାରିତ କରିବାକୁ ସମର୍ଥନ କରିଥିଲେ ଯେ ଏହା ଦ୍ୱାରା ରାଜ୍ୟଗୁଡ଼ିକ ଉପକୃତ ହେବେ, କିନ୍ତୁ ତାହା ହେଲା ନାହିଁ। ରାଜ୍ୟଗୁଡ଼ିକ କ୍ଷତିଗ୍ରସ୍ତ ହୋଇଛନ୍ତି। ଜିଏସଟି ବିଲକୁ ସମର୍ଥନ କରିବା ଆମର ଭୁଲ ଥିଲା ।
ମମତା ବାନାର୍ଜୀ ଏବେ କେନ୍ଦ୍ର ବିରୋଧରେ ଏକ ଧାରଣା ଦେବାକୁ ପ୍ରସ୍ତୁତ ହେଉଛନ୍ତି । ପଶ୍ଚିମବଙ୍ଗ ପ୍ରତି କେନ୍ଦ୍ର ସରକାରଙ୍କ ଭେଦଭାବପୂର୍ଣ୍ଣ ମନୋଭାବ ପ୍ରତିବାଦରେ ସେ ବୁଧବାରଠାରୁ କୋଲକାତାରେ ଦୁଇ ଦିନିଆ ଧାରଣା ଦେବେ ବୋଲି ସେ କହିଛନ୍ତି ।