‘ୱାସିଂଟନ୍ ଷ୍ଟେଟ୍’ରେ କୋଭିଡ୍-୧୯ ଟିକା ନେଉଥିବା ପ୍ରାପ୍ତ ବୟସ୍କଙ୍କୁ ମାଗଣାରେ ମିଳିବ ଗଞ୍ଜେଇ ସିଗାରେଟ୍
ଲସ୍ ଆଞ୍ଜେଲେସ୍: ମନ୍ଥର ଗତିରେ ଚାଲିଥିବା କୋଭିଡ୍-୧୯ ଟିକାକରଣ ହାରକୁ ତ୍ବରାନ୍ବିତ କରିବା ଲାଗି ଯୁକ୍ତରାଷ୍ଟ୍ର ଆମେରିକାର ‘ୱାସିଂଟନ୍ ପ୍ରଦେଶ’ ପ୍ରାପ୍ତ ବୟସ୍କମାନଙ୍କ ଲାଗି ‘ଟିକା ଲାଗି ଗଞ୍ଜେଇ-ସିଗାରେଟ୍’ (କାଗଜରେ ବଳା ହୋଇଥିବା ଗଞ୍ଜେଇ) ଅଭିଯାନ ଆରମ୍ଭ କରିଛି।
Sambad is now on WhatsApp
Join and get latest news updates delivered to you via WhatsApp
ଟିକା ନେବା ପରେ ୨୧ ବର୍ଷରୁ ଊର୍ଦ୍ଧ୍ବ ଯେକୌଣସି ପ୍ରାପ୍ତ ବୟସ୍କ ମାଗଣାରେ ‘ଗଞ୍ଜେଇ-ସିଗାରେଟ୍’ ପାଇଁ ହକ୍ଦାର ବୋଲି ‘ନ୍ୟୁୟର୍କ ଟାଇମ୍ସ୍’ ରିପୋର୍ଟ କରିଛି।
ଟିକାରକରଣ ପ୍ରସାରର ନିମନ୍ତେ ଏହି ଅଭିଯାନ ଅବିଳମ୍ବେ କାର୍ଯ୍ୟକାରୀ ହୋଇ ଜୁଲାଇ ୧୨ ତାରିଖ ପର୍ଯ୍ୟନ୍ତ ଚାଲିବ ବୋଲି ସୋମବାର ଦିନ ପ୍ରଦେଶର ‘ମଦ ଓ ଗଞ୍ଜେଇ ବୋର୍ଡ’ ଘୋଷଣା କରିଛି।
ସକ୍ରିୟ ଥିବା କୌଣସି ଏକ ଟିକା କେନ୍ଦ୍ରରୁ ପ୍ରଥମ ବା ଦ୍ବିତୀୟ ଡୋଜ୍ ଟିକା ନେବା ପରେ ୨୧ ବର୍ଷ ବା ତଦୁର୍ଦ୍ଧ୍ବ ବ୍ୟକ୍ତିବିଶେଷଙ୍କୁ ‘ଗଞ୍ଜେଇ-ସିଗାରେଟ୍’ ଯୋଗାଇ ଦେବା ଲାଗି ଖୁଚୁରା ଗଞ୍ଜେଇ ବିକ୍ରେତାଙ୍କୁ ଅନୁମତି ଦେବ ବୋଲି ବୋର୍ଡ କହିଛି। କିନ୍ତୁ, ଏହି ‘ଅଫର୍’ କେବଳ ଗଞ୍ଜେଇ-ସିଗାରେଟ୍ କ୍ଷେତ୍ରରେ ଲାଗୁ ହେବ , ଖାଇ ହେବା ଭଳି ଅନ୍ୟ କୌଣସି ମାଦକ ଉତ୍ପାଦ ନିମନ୍ତେ ନୁହେଁ।