ଯାନ୍ତ୍ରିକ ତ୍ରୁଟି ପାଇଁ ହରିୟାଣାର କେଏମପି ଏକ୍ସପ୍ରେସୱେରେ ଜରୁରୀକାଳିନ ଅବତରଣ କଲା ଭାରତୀୟ ବାୟୁସେନାର ଚିତା ହେଲିକପ୍ଟର
ଚଣ୍ଡିଗଡ଼: ଯାନ୍ତ୍ରିକ ତ୍ରୁଟି ପାଇଁ ଆଜି ଭାରତୀୟ ବାୟୁସେନାର ଏକ ହେଲିକପ୍ଟର ଜରୁରୀକାଳିନ ଅବତରଣ କରିଛି | ହରିୟାଣାର ଏକ୍ସପ୍ରେସୱେରେ ହେଲିକପ୍ଟରଟି ଅବତରଣ କରିଥିବା ଜଣା ପଡିଛି । ଅବତରଣ ସମୟରେ ହେଲିକପ୍ଟର ଭିତରେ ୪ ଜଣ ବାୟୁସେନା ଯବାନ ଥିଲେ | ତେବେ ଏହି ଘଟଣା ପରେ କେହି ଆହତ ହୋଇ ନଥିବା ଖବର ସାମ୍ନାକୁ ଆସିଛି |
Sambad is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଆକାଶମାର୍ଗରେ ବାୟୁସେନାର ଚିତା ହେଲିକପ୍ଟରରେ ଯାନ୍ତ୍ରିକ ତ୍ରୁଟି ଦେଖାଯିବାରୁ ପାଇଲଟ ହେଲିକପ୍ଟରକୁ ଅବତରଣ କରାଇବା ପାଇଁ ନିଷ୍ପତ୍ତି ନେଇଥିଲେ | ହରିୟାଣାର କେଏମପି ଏକ୍ସପ୍ରେସୱେ ପାଖାପାଖି ଥିବାରୁ ପାଇଲଟ ସେଠାରେ ହିଁ ହେଲିକପ୍ଟରକୁ ଅବତରଣ କରାଇଥିଲେ | ଏକ୍ସପ୍ରେସୱେରେ ଥିବା ଜଣେ ଯୁବକ ପାଇଲଟଙ୍କୁ ଏକ୍ସପ୍ରେସୱେର ଠିକ ମଝିରେ ହେଲିକପ୍ଟରକୁ ଅବତରଣ କରାଇବାରେ ସାହାଯ୍ୟ କରିଥିଲେ | ଏ ନେଇ ଖବର ମିଳିବା ପରେ ଭାରତୀୟ ବାୟୁସେନା କର୍ମଚାରୀମାନେ ଶୀଘ୍ର ଅବତରଣ ସ୍ଥଳରେ ପହଞ୍ଚି ମରାମତି କାମ ଆରମ୍ଭ କରିଥିଲେ | ମରାମତି ପାଇଁ ପ୍ରାୟ ଏକ ଘଣ୍ଟା ସମୟ ଲାଗିଥିବା ବେଳେ ମରାମତି ସରିବା ପରେ ହେଲିକପ୍ଟରଟି ସଫଳତାର ସହ ଉଡ଼ାଣ ଭରିଥିଲା| ହେଲିକପ୍ଟରର ଜରୁରୀକାଳିନ ଅବତରଣ ପରେ କିଛି ସମୟ ପାଇଁ ଗାଡି ଚଳାଚଳ ବନ୍ଦ ରହିଥିବା ବେଳେ ଏବେ ପୁନଃ ଗାଡି ଚଳାଚଳ ଆରମ୍ଭ ହୋଇଛି |