ମୃତ୍ୟୁର ଖୁବ ନିକଟରୁ ରକ୍ଷା ପାଇଲେ ଯୁବକ, ସିସିଟିଭିରେ କଏଦ ହୋଇଥିବା ଭିଡିଓ ହେଲା ଭାଇରାଲ

ନୂଆଦିଲ୍ଲୀ: କଥାରେ ଅଛି ଯାହାକୁ ରଖିବେ ଅନନ୍ତ, କି କରିପାରେ ବଳବନ୍ତ- ଅର୍ଥାତ୍ ଇଶ୍ବର ଯାହାକୁ ରକ୍ଷା କରନ୍ତି, ତାର କିଛି ବି ଅନିଷ୍ଟ ହୋଇନଥାଏ । ବେଳେ ବେଳେ ମଣିଷ ମୃତ୍ୟୁର ଖୁବ ନିକଟରୁ ବଞ୍ଚିଯାଏ ଯାହା ଅନେକଙ୍କ ସହ ଘଟିଥାଏ, ବେଳେ ବେଳେ ସେହି ବେଳର ଦୃଶ୍ୟ ସିସିଟିଭିରେ କଏଦ ହୋଇଯାଇ ଥାଏ । ସବୁଠୁ ବଡ଼ କଥା ହେଉଛି କେବେ, କେଉଁଠି, କାହା ସହ ଦୁର୍ଘଟଣା ଘଟିବ, ସେକଥା କେହି କହିପାରିବେ ନାହିଁ । ଦୁର୍ଘଟଣାର ଅନେକ ଭିଡିଓ ସୋସିଆଲ ମିଡିଆରେ ଭାଇରାଲ ହୁଏ । ସେଗୁଡ଼ିକରୁ ଏମିତି କିଛି ଭିଡିଓ ଅଛି ଯାହା ଆମକୁ ଚମକାଇ ଦେବ । ବର୍ତ୍ତମାନ ସେଇଭଳି ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି, ଯେଉଁଥିରେ ଜଣେ ବ୍ୟକ୍ତିଙ୍କ ନିଜର ସାବଧାନତା ଯୋଗୁ କିଭଳି ତାଙ୍କ ଜୀବନ ରକ୍ଷା ପାଉଛି ଦେଖିବାକୁ ମିଳୁଛି । ତେବେ ଏହି ଭିଡିଓ ଋଷର ଏକ ଆପାର୍ଟମେଣ୍ଟର ବୋଲି କୁହାଯାଉଛି, ଯେଉଁଠି ଜଣେ ବ୍ୟକ୍ତି ଦୁର୍ଘଟଣାର ଶିକାର ହେବା ପୂର୍ବରୁ ସାମାନ୍ୟ ଭାବରେ ରକ୍ଷା ପାଉଛନ୍ତି ।

ଏହି ଭିଡିଓକୁ ଦେଖିଲେ ଏଥିରୁ ସ୍ପଷ୍ଟ ବାରିହୁଏ ଯେ ସେସମୟ କେତେ ଭୟଙ୍କର ଥିଲା ସେ ବ୍ୟକ୍ତିଙ୍କ ପାଇଁ, କିଭଳି ଲିଫ୍ଟଟି ନ ଅଟକି ହଠାତ୍ ତଳକୁ ପଳାଉଛି । ଏହି ସମୟରେ ବ୍ୟକ୍ତି ଜଣକ ସଙ୍ଗେସଙ୍ଗେ ପଛକୁ ଖସିଯାଇ ନିଜ ଜୀବନ ରକ୍ଷା କରିବାରେ ସମର୍ଥ ଦେଉଛନ୍ତି । ଏହି ଘଟଣାଟି ସେଠାରେ ଲଗାଯାଇଥିବା ସିସିଟିଭି କ୍ୟାମେରାରେ କଏଦ ହୋଇଛି, ଯାହାର ଭିଡିଓ ବର୍ତ୍ତମାନ ଇଣ୍ଟରନେଟରେ ଭାଇରାଲ ହେଉଛି । ଭିଡିଓ ସୋସିଆଲ ମିଡିଆ ପ୍ଲାଟଫର୍ମ ୟୁଟ୍ୟୁବରେ ସେୟାର କରାଯାଇଛି । ଏହି ଭିଡିଓକୁ ଏପର୍ଯ୍ୟନ୍ତ ଏକ ଲକ୍ଷରୁ ଅଧିକ ଥର ଦେଖାଯାଇଛି । ଏହା ସହ, ଭିଡିଓ ଦେଖିବା ପରେ, ସୋସିଆଲ ମିଡିଆ ବ୍ୟବହାରକାରୀମାନେ ବିଭିନ୍ନ ପ୍ରକାରର ପ୍ରତିକ୍ରିୟା ଦେଉଛନ୍ତି ।