ଦେଖନ୍ତୁ ଭିଡିଓ: ମଲା ପରି ପଡ଼ିରହି ବାଘ କବଳରୁ ଖସିଯାଉଛନ୍ତି ଜଣେ ବ୍ୟକ୍ତି
ନୂଆଦିଲ୍ଲୀ: ମଲା ପରି ପଡ଼ିରହି ମହାରାଷ୍ଟ୍ରର ଭନ୍ଦରା ଜିଲ୍ଲାରେ ଜଣେ ବ୍ୟକ୍ତି ଗୋଟାଏ ଆକ୍ରମଣକାରୀ ବାଘ କବଳରୁ ରକ୍ଷା ପାଇଯାଇଛନ୍ତି।
Sambad is now on WhatsApp
Join and get latest news updates delivered to you via WhatsApp
ଏହି ଦୃଶ୍ୟର ଭିଡିଓ ଏବେ ଗଣମାଧ୍ୟମ ଏବଂ ସାମାଜିକ ଗଣମାଧ୍ୟମରେ ଭାଇରାଲ୍ ହୋଇଛି। ଏଥିରେ ଦେଖାଯାଉଛି: କେତେକ ଲୋକ ଗୋଟାଏ ବାଘକୁ ଘେରି ଗୋଡ଼ାଉଛନ୍ତି। ହଠାତ୍ ସେ ବାଘଟି ଗଛବୃଚ୍ଛ ଆଢୁଆଳରୁ ବାହାରି ଆସି ଗୋଟାଏ ଲୋକକୁ ଗୋଡ଼ାଉଛି। ସେ ଲୋକ ତଳେ ପଡ଼ିଯାଉଛନ୍ତି ଏବଂ ବାଘଟି ତାଙ୍କ ପାଖରେ ବସିରହୁଛି।
You want to see how does a narrow escape looks like in case of encounter with a #tiger. #Tiger was cornered by the crowd. But fortunately end was fine for both man and tiger. Sent by a senior. pic.twitter.com/1rLZyZJs3i
— Parveen Kaswan, IFS (@ParveenKaswan) January 25, 2020
ବାସ୍ତବ କଥା ହେଲା ଉପସ୍ଥିତ ବୁଦ୍ଧି ଖଟାଇ ସେ ଲୋକ ବାଘ କବଳରୁ ବର୍ତ୍ତିବାକୁ ମଲା ପରି ପଡ଼ିରହିଲେ। ତାଙ୍କର ଏହି କୌଶଳ ସମ୍ଭବତଃ ସଫଳ ହେଲା। କାରଣ ବାଘ ଆଉ ତାଙ୍କୁ ଆକ୍ରମଣ କଲାନାହିଁ। ଏତିକି ବେଳେ ଅନ୍ୟ ଲୋକମାନେ ଧାଇଁ ଆସି ଗୋଡ଼ାଗୋଡ଼ି କରିବାରୁ ବାଘଟି ସେ ଲୋକକୁ ଛାଡ଼ି ପଳାଇଲା।