ବାହାରେ ପେପର ଲିକ୍, ଭିତରେ ୱାଟର ଲିକ୍: ସଂସଦ ଭବନରୁ ପାଣି ବୋହିବା ପରେ କଟାକ୍ଷ କଲେ ସାଂସଦ

ମଣିକମ୍ ତାଙ୍କ ଟ୍ୱିଟର(ଏକ୍ସ) ରେ ଲେଖିଛନ୍ତି କି, ବାହାରେ ପେପର ଲିକ୍, ଭିତରେ ୱାଟର ଲିକ୍ । ରାଷ୍ଟ୍ରପତିଙ୍କ ଦ୍ୱାରା ବ୍ୟବହାର କରାଯାଉଥିବା ସଂସଦର ଲବି ହଲରେ ଛାତରୁ ପାଣି ଗଳୁଛି ଯାହା ସଂସଦରେ ମୌସୁମୀ ସମ୍ବନ୍ଧୀୟ ସମସ୍ୟାକୁ ଉଜାଗର କରୁଛି ।

Paper leakage outside,
water leakage inside. The recent water leakage in the Parliament lobby used by the President highlights urgent weather resilience issues in the new building, just a year after completion.
Moving Adjournment motion on this issue in Loksabha. #Parliamentpic.twitter.com/kNFJ9Ld21d

— Manickam Tagore .B🇮🇳மாணிக்கம் தாகூர்.ப (@manickamtagore) August 1, 2024

ସେପଟେ ଏହି ଭିଡିଓ ଭାଇରାଲ ହେବା ପରେ ସମାଜବାଦୀ ପାର୍ଟି ମୁଖ୍ୟ ଅଖିଳେଶ ଯାଦବ ଏହାକୁ ରି ଟ୍ୱିଟ୍ କରି ଲେଖିଛନ୍ତି କି, ନୂଆ ସଂସଦ ଭବନ ଠାରୁ ପୁରୁଣା ସଂସଦ ଭବନ ବେଶ୍ ଭଲ ଥିଲା । ଏବେ ସେହି ସମୟ ପର୍ଯ୍ୟନ୍ତ ଆମେ ପୁରୁଣା ସଂସଦ ଗୃହକୁ ଫେରିଯିବା ଉଚିତ, ଯେ ପର୍ଯ୍ୟନ୍ତ ନୂଆ ସଂସଦ ଭବନ ଛାତରୁ ପାଣି ଗଳିବା ବନ୍ଦ ନ ହୋଇଛି । ଏହାସହ ଅଖିଳେଶ ଲେଖିଛନ୍ତି କି, ବିଜେପି ଦ୍ୱାରା ନିର୍ମିତ ସମସ୍ତ କୋଠାର ଛାତରୁ ପାଣି ଗଳୁଛି । ଏହା ବିଜେପିର ଏକ ପ୍ରାୟୋଜିତ କାର୍ଯ୍ୟକ୍ରମ ।