ଆମେ ମୁଜାହିଦ୍ଦିନ ତିଆରି କରିଥିଲୁ, ଏବେ ସେମାନେ ଆତଙ୍କବାଦୀ: ପାକିସ୍ତାନ
ନୂଆଦିଲ୍ଲୀ : ପାକିସ୍ତାନରେ ଭୟଙ୍କର ଆତ୍ମଘାତୀ ଆତଙ୍କବାଦୀ ଆକ୍ରମଣର ୨ ଦିନ ପରେ ଦେଶର ଆଭ୍ୟନ୍ତରୀଣ ମନ୍ତ୍ରୀ ରାଣା ସନାଉଲ୍ଲା ଆଜି ସଂସଦରେ ଏକ ଗୁରୁତ୍ବପୂର୍ଣ୍ଣ ଟିପ୍ପଣୀ ଦେଇଛନ୍ତି। ମନ୍ତ୍ରୀ କହିଛନ୍ତି, ଆମର ମୁଜାହିଦ୍ଦିନ ତିଆରି କରିବାର କିଛି ଆବଶ୍ୟକତା ନଥିଲା। ଆମେ ମୁଜାହିଦ୍ଦିନ ସୃଷ୍ଟି କଲୁ ଏବଂ ସେମାନେ ଆତଙ୍କବାଦୀ ବନିଗଲେ।
Sambad is now on WhatsApp
Join and get latest news updates delivered to you via WhatsApp
ପ୍ରତିରକ୍ଷା ମନ୍ତ୍ରୀ ଖୱଜା ଅସିଫ ମଧ୍ୟ କହିଛନ୍ତି, ଦେଶର ଜାତୀୟ ସୁରକ୍ଷା କମିଟି ଆତଙ୍କବାଦୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବ। ମୁଜାହିଦ୍ଦିନମାନେ ଆତଙ୍କବାଦୀ ପାଲଟି ଭୟାନକ ଆକ୍ରମଣ କରୁଛନ୍ତି ଏବଂ ଏହା ଦେଶକୁ ଦୋହଲାଇ ଦେଉଛି ବୋଲି ସନାଉଲ୍ଲାଙ୍କ ବୟାନ ଚର୍ଚ୍ଚାରେ ରହିଛି । ଆତଙ୍କବାଦୀଙ୍କୁ ତାଲିମ ଦେଇ ଭାରତରେ ଅନୁପ୍ରବେଶ କରାଇବା ପାଇଁ ପାକ୍ ସେନା ସର୍ବଦା ନିୟୋଜିତ ଥିବା ବେଳେ ଏବେ ଏହା ପାକିସ୍ତାନ ପାଇଁ ବୁମେରାଂ ପାଲଟିଛି। ଆତଙ୍କବାଦୀମାନେ ନିଜ ଦେଶରେ ଗୋଟିଏ ପରେ ଗୋଟିଏ ଅନର୍ଥ ଘଟାଇଚାଲିଛନ୍ତି।