‘ଆମେ ଦୁଇ, ଆମର ଏକ’ ନିୟମ ପାଲଟିଛି ଚୀନବାସୀଙ୍କ ମୁଣ୍ଡବିନ୍ଧାର କାରଣ, ବିବାହ ପାଇଁ ଅନ୍ୟ ଦେଶର କନ୍ୟା ଲୋଡ଼ା
ନୂଆଦିଲ୍ଲୀ : ଭାରତର ପଡ଼ୋଶୀ ଦେଶ ଚୀନ୍ରେ ମହିଳାମାନଙ୍କ ସଂଖ୍ୟା କମି ଯାଇଥିବା ଜଣା ପଡ଼ିଛି । ଯାହା ପାଇଁ ଚୀନ୍ର ଯୁବକମାନଙ୍କୁ ବିବାହ କରିବା ପାଇଁ କନ୍ୟାର ଅଭାବ ଦେଖା ଦେଉଛି। ‘ଆମେ ଦୁଇ, ଆମର ଏକ’ ନିୟମ ପାଇଁ ଚୀନ୍ରେ ଜନସଂଖ୍ୟା ନିୟନ୍ତ୍ରଣରେ ରହିଛି ସତ ମାତ୍ର ଏଭଳି ଏକ ନୂଆ ସମସ୍ୟା ମୁଣ୍ଡ ଟେକିଛି । ଯାହା ପାଇଁ ଚୀନ୍ ଯୁବକମାନେ ଏବେ ଭିଏତ୍ନାମର ଯୁବତୀଙ୍କୁ ବିବାହ କରୁଛନ୍ତି । ଅନ୍ଲାଇନ୍ ସାଇଟ୍ zhongyuelove.com ମାଧ୍ୟମରେ ଭିଏତ୍ନାମ ଯୁବତୀମାନଙ୍କୁ ନିଜ ଜୀବନସାଥୀ ଭାବେ ବାଛୁଛନ୍ତି ଚୀନ୍ ଯୁବକ । ସିଧା କହିଲେ, ବିବାହ ପାଇଁ ଚୀନ ଯୁବକମାନଙ୍କୁ ଏବେ ଅନ୍ୟ ଦେଶ ଉପରେ ନିର୍ଭର କରିବାକୁ ପଡୁଛି ।
Sambad is now on WhatsApp
Join and get latest news updates delivered to you via WhatsApp
ବିବାହ କରିବା ପୂର୍ବରୁ, ଯୁବକଙ୍କୁ କନ୍ୟା ପାଇଁ ଭିସାର ବ୍ୟବସ୍ଥା କରିବା ସହ ନିଜର ଆୟ, ରହିବା ଶୈଳୀ ବିଷୟରେ ସଂପୂର୍ଣ୍ଣ ବିବରଣୀ ଦେବାକୁ ପଡ଼ିଥାଏ । ଏହି ଓଏବ୍ସାଇଟ୍ ମାଧ୍ୟମରେ ବିବାହ କରିବା ପାଇଁ ଯୁବକମାନଙ୍କୁ ୪୦୦୦ ଡଲାର ଦେବାକୁ ପଡୁଛି। ଚୀନ୍ର ଯୁବକମାନେ ଏଣିକି ପ୍ରତି ବର୍ଷ ମିଆଁମାର୍, ଭିଏତ୍ନାମ, କମ୍ବୋଡିଆ ଇତ୍ୟାଦି ଦେଶର ଯୁବତୀମାନଙ୍କୁ ବିବାହ କରୁଛନ୍ତି।