ଦିଲ୍ଲୀରେ ପୁଣି ଆରମ୍ଭ ହେଲା ସପ୍ତାହାନ୍ତ କର୍ଫ୍ୟୁ; ସୋମବାର ସକାଳ ପର୍ଯ୍ୟନ୍ତ ଅଣ-ଅତ୍ୟାବଶ୍ୟକ କାର୍ଯ୍ୟକଳାପ ବନ୍ଦ

ନୂଆଦିଲ୍ଲୀ: କୋଭିଡ୍‌-୧୯ ବିସ୍ତାର ରୋକିବା ନିମନ୍ତେ ସମସ୍ତ ଅଣ-ଅତ୍ୟାବଶ୍ୟକ କାର୍ଯ୍ୟକଳାପ ବନ୍ଦ କରାଇ ଜାତୀୟ ରାଜଧାନୀ ଦିଲ୍ଲୀରେ ଶୁକ୍ରବାର ରାତିରୁ ସୋମବାର ସକାଳ ପର୍ଯ୍ୟନ୍ତ ପୁନଶ୍ଚ ସପ୍ତାହାନ୍ତ କର୍ଫ୍ୟୁ ଜାରି କରାଯାଇଛି।

ଶୁକ୍ରବାର ରାତି ୧୦ଟାରୁ ଲାଗୁ ହୋଇଥିବା ସପ୍ତାହାନ୍ତ କର୍ଫ୍ୟୁ ସ‌ୋମବାର ସକାଳ ୫ଟା ପର୍ଯ୍ୟନ୍ତ ବଳବତ୍ତର ରହିବ।

ଦିଲ୍ଲୀ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ଆଦେଶ ମୁତାବକ, ଅତ୍ୟାବଶ୍ୟକ ସାମଗ୍ରୀ ବ୍ୟବସାୟ ଏବଂ ତେଜରାତି, ପନିପରିବା ଓ ଫଳ, ଔଷଧ, ଦୁଗ୍ଧ ଭଳି ଅନ୍ୟାନ୍ୟ ସେବା ଯୋଗାଣ ବ୍ୟବସାୟକୁ ବାଦ ଦେଇ ବାକି ସମସ୍ତ ବ୍ୟବସାୟ ବନ୍ଦ ରହିବ।

ଗତ ସପ୍ତାହରେ ଜାରି ଦିଲ୍ଲୀ ବିପର୍ଯ୍ୟୟ ପରିଚାଳନା କର୍ତ୍ତୃପକ୍ଷଙ୍କ ମାର୍ଗଦର୍ଶିକା ଅନୁସାରେ, ସପ୍ତାହାନ୍ତ କର୍ଫ୍ୟୁରେ ମଧ୍ୟ ମେଟ୍ରୋ ଟ୍ରେନ୍‌ ସେବା ଚାଲୁ ରହିବ।

ପୂର୍ଣ୍ଣ ଆସନ କ୍ଷମତା ସହ ସପ୍ତାହାନ୍ତ କର୍ଫ୍ୟୁ ସମୟରେ ମେଟ୍ରୋ ସେବା ଓ ସର୍ବସାଧାରଣ ବସ୍‌ ସେବା ଚାଲୁ ରହିବ, କିନ୍ତୁ ସେଥିରେ ଠିଆ ହୋଇ ଯିବା ପାଇଁ ଯାତ୍ରୀମାନଙ୍କୁ ଅନୁମତି ମିଳିବ ନାହିଁ।