କୋଲକାତା ରୋଡ୍‌ ସୋ’ ହିଂସା ପରେ ଫେସ୍‌ବୁକ୍‌-ଟୁଇଟ୍‌ରରେ ନିଜର ପ୍ରୋଫାଇଲ ଫଟୋ ହଟାଇ ଏଭଳି ଫଟୋ ରଖିଲେ ମମତା ବାନାର୍ଜୀ

0

କୋଲକାତା : ୨୦୧୯ ଲୋକସଭା ନିର୍ବାଚନର ଅନ୍ତିମ ପର୍ଯ୍ୟାୟ ମତଦାନ ମେ’ ୧୯ରେ ହେବାକୁ ଥିବା ବେଳେ ପଶ୍ଚିମବଙ୍ଗରେ ହିଂସାକାଣ୍ଡ ଚରମ ସୀମାରେ ପହଞ୍ଚିଛି । ମଙ୍ଗଳବାର କୋଲକାତାରେ ଅମିତ ଶାହାଙ୍କ ରୋଡ୍‌ ସୋ’ରେ ହୋଇଥିବା ହିଂସାକାଣ୍ଡ ପାଇଁ ଏବେ କୋଲକାତାର ମାହୋଲ ଗରମ ରହିଛି । ଏହି ହିଂସାକାଣ୍ଡ ବେଳେ ଦାର୍ଶନିକ ଏବଂ ଲେଖକ ଇଶ୍ୱରଚନ୍ଦ ବିଦ୍ୟାସାଗରଙ୍କ ମୁର୍ତ୍ତି ଭାଙ୍ଗି ଦିଆ ଯାଇଥିଲା । ଯାହାକୁ ଆଖି ଆଗରେ ରଖି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜି ଫେସ୍‌ବୁକ୍‌ ଏବଂ ଟୁଇଟରରେ ନିଜର ପ୍ରୋଫାଇଲ ଫଟୋ ବଦଳାଇଥିବା ଜଣା ପଡ଼ିଛି । ନିଜ ଫଟୋ ହଟାଇ ସେ ଇଶ୍ୱରଚନ୍ଦ ବିଦ୍ୟାସାଗରଙ୍କ ଫଟୋ ରଖିଥିବା ସାମ୍ନାକୁ ଆସିଛି । ଯାହାକୁ ନେଇ ଏବେ ଚର୍ଚ୍ଚା ଆରମ୍ଭ ହୋଇ ଯାଇଛି ।

oneindia.com

ସୂଚନା ମୁତାବକ, ମଙ୍ଗଳବାର ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଅମିତ ଶାହା ମୁଖ୍ୟମନ୍ତ୍ରୀ ମମତା ବାନାର୍ଜିଙ୍କ ମନା କରିବା ସତ୍ତ୍ୱେ ମଧ୍ୟ ରୋଡ୍‌ ସୋ’ କରିଥିଲେ । କିନ୍ତୁ ରୋଡ୍‌ ସୋ’ ସମୟରେ ଦଳର କାର୍ଯ୍ୟକର୍ତ୍ତା ଏବଂ ତୃଣମୂଳ କଂଗ୍ରେସର କାର୍ଯ୍ୟକର୍ତ୍ତାଙ୍କ ମଧ୍ୟ ଝଗଡ଼ା ଆରମ୍ଭ ହୋଇ ଯାଇଥିଲା । ଏହି ହିଂସାକାଣ୍ଡ ସମୟରେ ବିଜେପି କାର୍ଯ୍ୟକର୍ତ୍ତାମାନେ ଇଶ୍ୱରଚନ୍ଦ ବିଦ୍ୟାସାଗରଙ୍କ ମୁର୍ତ୍ତି ଭାଙ୍ଗିଥିଲେ ବୋଲି ଅଭିଯୋଗ ହୋଇଛି । ଯାହାର ବିରୋଧ କରି ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜି ଫେସ୍‌ବୁକ୍‌ ଏବଂ ଟୁଇଟରରେ ନିଜର ପ୍ରୋଫାଇଲ ଫଟୋ ବଦଳାଇଥିବା ଜଣା ପଡ଼ିଛି ।

ସମ୍ବନ୍ଧିତ ଖବର

Leave A Reply

Your email address will not be published.