ପାଟନା: ନିଟ୍ ପେପର ଲିକ୍ ପ୍ରସଙ୍ଗରେ ଦେଶବ୍ୟାପୀ ଉତ୍ତେଜନା ମଧ୍ୟରେ ବିହାର ମୁଖ୍ୟମନ୍ତ୍ରୀ ନୀତୀଶ କୁମାର ନୀରବତା ବଜାୟ ରଖିଛନ୍ତି। ଆରଜେଡି ଏବଂ କଂଗ୍ରେସର ନେତାମାନେ ନିରନ୍ତର ପ୍ରଶ୍ନ ଉଠାଉଛନ୍ତି। ରବିବାର ଯେତେବେଳେ ସିଏମ୍ ନୀତୀଶ କୁମାରଙ୍କୁ ଏ ବିଷୟରେ ପ୍ରଶ୍ନ କରାଯାଇଥିଲା ସେ କିଛି ନ କହି କାରରେ ବସି ପଳାଇଥିଲେ।
![Sambad Whatsapp](https://cdn-icons-png.flaticon.com/512/2504/2504957.png)
Sambad is now on WhatsApp
Join and get latest news updates delivered to you via WhatsApp
ମୁଖ୍ୟମନ୍ତ୍ରୀ ନୀତୀଶ କୁମାର ରବିବାର ସକାଳେ ବାପୁ ଟାୱାର ଯାଞ୍ଚ କରିବାକୁ ଆସିଥିଲେ। ଏହି ସମୟ ମଧ୍ୟରେ ଯେତେବେଳେ ସେ ବାହାରକୁ ଆସିଲେ, ସାମ୍ବାଦିକମାନେ ନୀତୀଶ କୁମାରଙ୍କୁ ପଚାରିଥିଲେ ଯେ ଆରଜେଡି ଏବଂ କଂଗ୍ରେସ ନିଟ୍ ପେପର ଲିକ୍ ସମ୍ପର୍କରେ ବିରୋଧ ପ୍ରଦର୍ଶନ କରିଛନ୍ତି। ଏହାର ଉତ୍ତର ଦେବା ପରିବର୍ତ୍ତେ ସିଏମ୍ କିଛି ନ କହି ଚାଲି ଯାଇଥିଲେ।
ଏହାପୂର୍ବରୁ ସିଏମ ନୀତୀଶ କୁମାର ବାପୁ ଟାୱାର ଯାଞ୍ଚ କରି ଗଣମାଧ୍ୟମକୁ କହିଛନ୍ତି ଯେ, ଏହାକୁ ଏକ ମାସ ମଧ୍ୟରେ ସମ୍ପୂର୍ଣ୍ଣ କରିବାକୁ ସେ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛନ୍ତି। ମୁଖ୍ୟମନ୍ତ୍ରୀ ଗଣମାଧ୍ୟମକୁ କହିଥିଲେ ମୁଁ ଏହାର ନିର୍ମାଣ କାର୍ଯ୍ୟ ନିଜେ ଦେଖିବା ପାଇଁ ଆସିଛି। ଏକ ମାସ ମଧ୍ୟରେ ଏହାକୁ ସମ୍ପୂର୍ଣ୍ଣ କରିବାକୁ ଅଧିକାରୀମାନଙ୍କୁ ନିର୍ଦ୍ଦେଶ ଦେଇଛି।
ସୂଚନାଯୋଗ୍ୟ, ନିଟ୍ ପେପର ଲିକ୍ ପ୍ରସଙ୍ଗରେ କଂଗ୍ରେସ ଏବଂ ଆରଜେଡି ନେତାମାନେ କ୍ରମାଗତ ଭାବରେ ସରକାରଙ୍କୁ ଟାର୍ଗେଟ କରୁଛନ୍ତି। ପେପର ବାତିଲ କରିବାକୁ ମଧ୍ୟ ଦାବି କରାଯାଉଛି। ଅନ୍ୟପକ୍ଷରେ ବିରୋଧୀ ଦଳର ନେତା ତଥା ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ତେଜସ୍ୱୀ ଯାଦବଙ୍କ ନାମ ଆସିବା ପରେ ତେଜସ୍ବୀ କହିଛନ୍ତି ଯିଏ ଦୋଷୀ ତାଙ୍କୁ ଗିରଫ କର। ତେଜସ୍ୱୀ ଯାଦବ ସ୍ପଷ୍ଟ ଭାବେ କହିଛନ୍ତି ଯେ ସମଗ୍ର ମାମଲାକୁ ତାଙ୍କ ସହିତ ଯୋଡିବାକୁ ଷଡ଼ଯନ୍ତ୍ର କରାଯାଉଛି।