ଦିଲ୍ଲୀ ଭୋଟ ହାର ଘୋଷଣା ବିଳମ୍ବ ହେବା ନେଇ ଆପର ସଂଦେହ, ଷଡ଼ଯନ୍ତ୍ର ଅଭିଯୋଗ କଲା ଦଳ
ନୂଆଦିଲ୍ଲୀ : ଦିଲ୍ଲୀରେ ଶନିବାରଦିନ ହୋଇଥିବା ଭୋଟଗ୍ରହଣରେ ନିର୍ବାଚନ ଆୟୋଗ ଏପର୍ଯ୍ୟନ୍ତ ଚୂଡ଼ାନ୍ତ ଭୋଟ ପ୍ରତିଶତ ଘୋଷଣା କରିନଥିବାରୁ ତାହାକୁ ନେଇ ଆମ ଆଦମି ପାର୍ଟି (ଆପ) ସଂଦେହ ପ୍ରକଟ କରିଛି । ଭିତରେ ଭିତରେ କିଛି ଷଡ଼ଯନ୍ତ୍ର ଚାଲୁଥିବା ଆପ ପକ୍ଷରୁ ଅଭିଯୋଗ କରାଯାଇଛି ।
ଆପ ନେତା ତଥା ରାଜ୍ୟସଭା ସଦସ୍ୟ ସଂଜୟ ସିଂ କହିଛନ୍ତି ଯେ ଗତ କାଲିଠାରୁ ଭୋଟଗ୍ରହଣ ଶେଷ ହୋଇଥିବାବେଳେ ଏପର୍ଯ୍ୟନ୍ତ ନିର୍ବାଚନ ଆୟୋଗ ପକ୍ଷରୁ ଚୂଡ଼ାନ୍ତ ଭୋଟ ହାର ସଂପର୍କରେ କୌଣସି ଔପଚାରିକ ଘୋଷଣା କରାଯାଇନାହିଁ । ନିର୍ବାଚନ ଆୟୋଗ ଯଥାଶୀଘ୍ର ଆନୁଷ୍ଠାନିକ ଭାବେ ଚୂଡ଼ାନ୍ତ ଭୋଟ ହାର ଘୋଷଣା କରୁ । ଏତେ ବିଳମ୍ବ ହେବାର କାରଣ ମଧ୍ୟ ଦର୍ଶାଉ ବୋଲି ସେ ଏକ ସାମ୍ବାଦିକ ସମ୍ମିଳନୀରେ କହିଛନ୍ତି ।
ତେବେ ନିର୍ବାଚନ ଆୟୋଗର ଆପରେ ଭୋଟ ପ୍ରତିଶତ ୬୧.୪୩ ପ୍ରତିଶତ କୁହାଯାଇଛି ।
Sambad is now on WhatsApp
Join and get latest news updates delivered to you via WhatsApp
Absolutely shocking. What is EC doing? Why are they not releasing poll turnout figures, several hours after polling? https://t.co/ko1m5YqlSx
— Arvind Kejriwal (@ArvindKejriwal) February 9, 2020
ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିଓ୍ଵାଲ ମଧ୍ୟ ଏହାକୁ ନେଇ ଆଶ୍ଚର୍ଯ୍ୟ ପ୍ରକଟ କରିଛନ୍ତି । ସେ କହିଛନ୍ତି ଯେ ଭୋଟ ଶେଷ ହେବାର କିଛି ଘଣ୍ଟା ବିତିଯାଇଥିଲେ ମଧ୍ୟ ନିର୍ବାଚନ ଆୟୋଗ ଭୋଟହାର ରିପୋର୍ଟ ପ୍ରକାଶ ନ କରିବା ବେଶ ଆଶ୍ଚର୍ଯ୍ୟର ବିଷୟ ।
ତେବେ ଏ ସଂପର୍କରେ ନିର୍ବାଚନ ଆୟୋଗ ପକ୍ଷରୁ କୌଣସି ମନ୍ତବ୍ୟ ଦିଆଯାଇନାହିଁ । ସାଧାରଣତଃ ଭୋଟଗ୍ରହଣ ଶେଷହେବାର କିଛି ଘଣ୍ଟା ମଧ୍ୟରେ ଭୋଟ ପ୍ରତିଶତ ଘୋଷଣା କରାଯାଇଥାଏ ।