ୟୁସିସିର ଆବଶ୍ୟକତା କ’ଣ ? ପ୍ରଶ୍ନ ଉଠାଇଲା ଅକାଳୀ ଦଳ

ନୂଆଦିଲ୍ଲୀ : ବିଜେପି ନେତୃତ୍ବାଧୀନ ଏନଡିଏ ମେଣ୍ଟର ପୁରୁଣା ସହଯୋଗୀ ଅକାଳୀ ଦଳ ସମାନ ନାଗରିକ ସଂହିତା ବା ୟୁସିସିକୁ ନେଇ କେନ୍ଦ୍ର ସରକାରଙ୍କୁ ପ୍ରଶ୍ନ କରିଛି । ଦଳ ପକ୍ଷରୁ କୁହାଯାଇଛି ଯେ ସମ୍ବିଧାନରେ ଯାହାର ବ୍ୟସସ୍ଥା ନାହିଁ ତାହାକୁ ଆଣିବାକୁ କାହିଁକି ଉଦ୍ୟମ କରାଯାଉଛି ?

ଏହା ପୂର୍ବରୁ ଶିରୋମଣି ଅକାଳୀ ଦଳର ଦିଲ୍ଲୀ ସଭାପତି ପରମଜିତ ସିଂହ ସରନା କହିଥିଲେ ଯେ ଭବିଷ୍ୟତରେ କୌଣସି ମେଣ୍ଟ ବିଷୟରେ ଚିନ୍ତା କରିବା ପୂର୍ବରୁ ବିଜେପିକୁ ୟୁସିସିକୁ ସିଧାସଳଖ ପ୍ରତ୍ୟାଖ୍ୟାନ କରିବାକୁ ପଡ଼ିବ। ଆଇନ ଆୟୋଗ କୌଣସି ଡ୍ରାଫ୍ଟ (ଚିଠା) ନ ରଖି କିପରି ଧାର୍ମିକ ଅନୁଷ୍ଠାନଗୁଡ଼ିକଠାରୁ ୟୁନିଫର୍ମ ସିଭିଲ୍ କୋଡ୍ ଉପରେ ପରାମର୍ଶ ନେଇପାରିବେ?

କ’ଣ କହିଲେ ସୁଖବୀର ବାଦଲ ?

ଅକାଳୀ ଦଳର ସଭାପତି ସୁଖବୀର ସିଂହ ବାଦଲ ୨୨ତମ ଆଇନ ଆୟୋଗର ସଦସ୍ୟ ସଚିବଙ୍କୁ ଲେଖିଥିବା ଚିଠିରେ କହିଛନ୍ତି ଯେ ଏକରୂପତାକୁ ନେଇ ଏକତା ସହ ବିଭ୍ରାନ୍ତ କରାଯିବା ଉଚିତ ନୁହେଁ। ସୁଖବୀର ବାଦଲ ତାଙ୍କ ଚିଠିରେ ଲେଖିଛନ୍ତି, ଭାରତ ବିବିଧତା ମଧ୍ୟରେ ଏକତାର ପ୍ରତୀକ, ଏକତା ନୁହେଁ, କେବଳ ଏକ ପ୍ରକୃତ ସଂଘୀୟ ଢାଞ୍ଚା ହିଁ ଆମ ସମସ୍ୟାର ସମାଧାନ କରିପାରିବ ଏବଂ ଭାରତକୁ ଏକ ବିଶ୍ୱ ମହାଶକ୍ତି ରେ ପରିଣତ କରିପାରିବ ।

ସୂଚନାଯୋଗ୍ୟ ଯେ ୟୁସିସି ସମ୍ପର୍କରେ ଆଇନ ଆୟୋଗ ଏବେ ସାଧାରଣ ଲୋକ, ସଂଗଠନମାନଙ୍କଠାରୁ ମତାମତ ଗ୍ରହଣ କରୁଛନ୍ତି ।