ରାହୁଲଙ୍କର ଭାରତ ତୁଳନାରେ ପାକିସ୍ତାନ ପ୍ରତି ଅଧିକ ସହାନୁଭୂତି ଅଛି : ବିଜେପି

ନୂଆଦିଲ୍ଲୀ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ କହିଛନ୍ତି ଯେ ଭାରତ-ପାକ ସଂଘର୍ଷରେ ୫ଟି ଲଢୁଆ ବିମାନ ଖସିଥିଲେ । କିନ୍ତୁ କାହାର ବିମାନ ଖସିଥିଲା ତାହା ସେ ସ୍ପଷ୍ଟ କରିନଥିଲେ । ଏହା ସତ୍ତ୍ବେ କଂଗ୍ରେସ ନେତା ରାହୁଲ ଗାନ୍ଧି ଭାରତ ସରକାରଙ୍କୁ ଟାର୍ଗେଟ କରିଛନ୍ତି । ଏକ୍ସରେ ସେ ଲେଖିଛନ୍ତି “୫ ବିମାନର ସତ କଣ ? ଦେଶକୁ ଜାଣିବାର ଅଧିକାର ଅଛି ।“  

ରାହୁଲଙ୍କ ଏହି ପ୍ରଶ୍ନର ଜବାବ ଦେଇଛି ବିଜେପି । ବିଜେପି ଆଇଟି ସେଲ ମୁଖ୍ୟ ଅମିତ ମାଲବ୍ୟ କହିଛନ୍ତି ଯେ ରାହୁଲଙ୍କର ଭାରତ ତୁଳନାରେ ପାକିସ୍ତାନ ପ୍ରତି ଅଧିକ ସହାନୁଭୂତି ଅଛି ।

ରାହୁଲଙ୍କ ଏହି ପ୍ରଶ୍ନର ଜବାବ ଦେଇଛି ବିଜେପି । ବିଜେପି ଆଇଟି ସେଲ ମୁଖ୍ୟ ଅମିତ ମାଲବ୍ୟ କହିଛନ୍ତି ଯେ ରାହୁଲଙ୍କୁ ଭାରତୀୟ ସେନା ଅପେକ୍ଷା ଟ୍ରମ୍ପଙ୍କ ଉପରେ ଅଧିକ ଭରସା ଅଛି । 

ଅମିତ ମାଲବ୍ୟ ‘ଏକ୍ସ’ରେ ଲେଖିଛନ୍ତି, 'ରାହୁଲ ଗାନ୍ଧୀଙ୍କ ମାନସିକତା ଜଣେ ଦେଶଦ୍ରୋହୀଙ୍କ ପରି। ଟ୍ରମ୍ପ ତାଙ୍କ ବିବୃତ୍ତିରେ ଭାରତର ନାମ ନେଇ ନଥିଲେ, କିମ୍ବା ସେ ସେହି ପାଞ୍ଚଟି ବିମାନ ଭାରତର ବୋଲି କହି ନଥିଲେ। ତେବେ କଂଗ୍ରେସ ଯୁବରାଜ ତାଙ୍କୁ ଭାରତର ବୋଲି କାହିଁକି ଭାବୁଛନ୍ତି? ସେ ତାଙ୍କୁ ପାକିସ୍ତାନର ବୋଲି କାହିଁକି ଭାବୁନଥିଲେ? ତାଙ୍କ ନିଜ ଦେଶ ଅପେକ୍ଷା ପାକିସ୍ତାନ ପ୍ରତି କ'ଣ ଅଧିକ ସହାନୁଭୂତି ଅଛି? ସତ୍ୟ ହେଉଛି ପାକିସ୍ତାନ ଏପର୍ଯ୍ୟନ୍ତ ଅପରେସନ୍ ସିନ୍ଦୁରରୁ ସୁଧୁରିପାରିନାହିଁ... କିନ୍ତୁ ରାହୁଲ ଗାନ୍ଧୀ ଯନ୍ତ୍ରଣାରେ ଅଛନ୍ତି! ଯେତେବେଳେ ଦେଶର ସେନା ଶତ୍ରୁକୁ ଶିକ୍ଷା ଦିଏ, କଂଗ୍ରେସ ଚିଡ଼ଚିଡ଼ା ହୋଇଯାଏ। ଭାରତ ବିରୋଧୀ ଆଉ କଂଗ୍ରେସର ଅଭ୍ୟାସ ନୁହେଁ, ଏହା ଏହାର ପରିଚୟ ପାଲଟିଛି। ରାହୁଲ ଗାନ୍ଧୀ କହିବା ଉଚିତ - ସେ ଭାରତୀୟ କି ପାକିସ୍ତାନର ମୁଖପାତ୍ର?'