ସଂସଦୀୟ କମିଟି ନିକଟରେ ହାଜର ହେବାକୁ ହ୍ଵାଟ୍ସଆପ୍, ଫେସ୍ବୁକ୍ ଓ ଇନ୍ଷ୍ଟାଗ୍ରାମକୁ ସମନ
ନୂଆଦିଲ୍ଲୀ: ସୂଚନା ପ୍ରଯୁକ୍ତି ସଂପର୍କିତ ସଂସଦୀୟ କମିଟି ମାର୍ଚ ୬ ତାରିଖ ଦିନ ସୋସିଆଲ୍ ମିଡିଆ ସାଇଟ୍ ହ୍ଵାଟ୍ସଆପ୍, ଫେସ୍ବୁକ୍ ଓ ଇନ୍ଷ୍ଟାଗ୍ରାମର ବରିଷ୍ଠ ଅଧିକାରୀମାନଙ୍କୁ କମିଟି ନିକଟରେ ହାଜର ହେବାଲାଗି ସମନ ପଠାଇଛି। ସୋସିଆଲ୍ ମିଡିଆ ପ୍ଲାଟଫର୍ମରେ ନାଗରିକମାନଙ୍କ ଅଧିକାରର ସୁରକ୍ଷା ପ୍ରସଂଗକୁ ନେଇ ସୂଚନା ପ୍ରଯୁକ୍ତି ସଂପର୍କିତ ସଂସଦୀୟ ସମିତି ଫେସ୍ବୁକ୍, ଇନ୍ଷ୍ଟାଗ୍ରାମ୍ ଏବଂ ହ୍ଵାଟ୍ସଆପ୍ର ବରିଷ୍ଠ ଅଧିକାରୀମାନଙ୍କୁ ମାର୍ଚ ୬ ତାରିଖରେ ଉପସ୍ଥିତ ହେବାକୁ ପତ୍ର ଜରିଆରେ ସୂଚିତ କରିଛନ୍ତି।
Sambad is now on WhatsApp
Join and get latest news updates delivered to you via WhatsApp
ବିଜେପି ସାଂସଦ ଅନୁରାଗ ଠାକୁରଙ୍କ ଅଧ୍ୟକ୍ଷତାରେ ଗଠିତ ହୋଇଥିବା ଏହି ସଂସଦୀୟ କମିଟି ପକ୍ଷରୁ ପୂର୍ବରୁ ଫେବ୍ରୁଆରି ୧ ତାରିଖରେ ପତ୍ର ଜରିଆରେ ଟୁଇଟର୍ର କାର୍ଯ୍ୟନିର୍ବାହୀ ଅଧିକାରୀ ଜ୍ୟାକ୍ ଦୋରସେଙ୍କୁ ସମନ ପଠାଯାଇଥିଲା। ପ୍ରଥମେ ୭ ଫେବ୍ରୁଆରିରେ ବୈଠକ ନିର୍ଦ୍ଧାରିତ ହୋଇଥିଲା। ପରେ ତାହାକୁ ଘୁଞ୍ଚାଇ ଦିଆଯାଇ ଥିଲା। ଫଳରେ ଟୁଇଟର୍ ଅଧିକାରୀଙ୍କୁ ସଂସଦୀୟ କମିଟି ସମ୍ମୁଖରେ ଉପସ୍ଥିତ ହେବା ସକାଶେ ପ୍ରର୍ଯ୍ୟାପ୍ତ ସମୟ ମିଳିପାରି ଥିଲା।