ତିରୁବନନ୍ତପୁରମ: କୁକୁରର ଅବୈଧ ସମ୍ପର୍କ ଥିବା କଥା କହି ଜଣେ ମାଲିକ ନିଜର ପୋଷା କୁକୁରକୁ ଘରୁ ତଡ଼ିଦେଇଛନ୍ତି | କେରଳ ତିରୁବନନ୍ତପୁରମରେ ଏଭଳି ଏକ ଘଟଣା ଘଟିଛି | ରବିବାର ରାତିରେ ପ୍ରବଳ ବର୍ଷା ହେଉଥିବାବେଳେ କୁକୁରଟିକୁ ତାହାର ମାଲିକ ଘରୁ ତଡ଼ିଦେଇଥିଲେ | କୁକୁରଟି ବିପଦ ଅବସ୍ଥାରେ ରାସ୍ତାରେ ବୁଲୁଥିବାବେଳେ ତାହାକୁ ପିପୁଲ ଫର ଆନିମଲସର ସଚିବ ଲତା ଉଦ୍ଧାର କରିଥିଲେ | ତେବେ କୁକୁରଟିର ବେକରେ ଏକ ଚିଠି ଲେଖାଯାଇ ଝୁଲାଯାଇଥିବାର ଦେଖିବାକୁ ମିଳିଥିଲା |
Sambad is now on WhatsApp
Join and get latest news updates delivered to you via WhatsApp
ଏହି ଚିଠିରେ କୁକୁର ମାଲିକ ଜଣକ ଲେଖିଥିଲେ ଯେ ଏହି କୁକୁରର ଅନ୍ୟ କୁକୁରଙ୍କ ସହ ଅବୈଧ ସମ୍ପର୍କ ଥିବାରୁ ତାହାକୁ ଘରୁ ତଡିଦିଆଯାଇଛି | ମାଲିକ ଜଣକ ଲେଖିଥିଲେ ଯେ କୁକୁରଟିର ଭଲ ଭାବେ ଯତ୍ନ ନିଆଯାଉଥିବାବେଳେ ପ୍ରତି ୫ ଦିନରେ ଥରେ ଗାଧୋଇଦିଆଯାଇଥାଏ | ତେବେ କୁକୁରଟିର ବଦଗୁଣ ହେଉଛି ଯେ ସେ ଲମ୍ବା ସମୟ ଯାଏଁ ଭୁକିଥାଏ |
ଏହା ଲେଖି ମାଲିକ ଜଣକ ପମୋରିୟାନ ପ୍ରଜାତିର ଏହି କୁକୁରକୁ କାଢ଼ିଦେଇଥିଲେ | ତେବେ ପିପୁଲସ ଫର ଆନିମଲସ ସଦସ୍ୟ କହିଛନ୍ତି ଯେ ଜଣେ ବ୍ୟକ୍ତି କିଭଳି ଏତେ ନିଷ୍ଠୁର ହୋଇପାରିବ | ପଶୁଟି କଥା କହିପାରେନି ବୋଲି ଏଭଳି କଣ କରାଯାଏ | ଏବେ ଏହି ମାଲିକଙ୍କୁ ଖୋଜିବାକୁ ସିସିଟିଭି କ୍ୟାମେରାର ସହାୟତା ନିଆଯାଇଛି|