ଭାରତରେ ସଂକ୍ରମଣ ସଂଖ୍ୟା ୨ ଲକ୍ଷ ଟପିବା ବଡ଼ କଥା ନୁହେଁ, ଆଗକୁ ସ୍ଥିତି ବିସ୍ଫୋରକ ହୋଇପାରେ : ଡବ୍ଲୁଏଚଓ
ନୂଆଦିଲ୍ଲୀ : ଭାରତରେ କରୋନା ଭାଇରସ ଏବେ ୨ ଲକ୍ଷ ଟପିଯାଇଥିବାବେଳେ ବିଶ୍ବ ସ୍ୱାସ୍ଥ୍ୟ ସଂଗଠନ କହିଛି ଯେ ଭାରତରେ ଏହି ସଂକ୍ରମଣ ସଂଖ୍ୟା ଏବେ ବି କମ ରହିଛି ବୋଲି କୁହାଯାଇପାରିବ । କାରଣ ଆଗକୁ ଏହା ବିସ୍ଫୋରଣ ଗତିରେ ବଢିବାର ଆଶଙ୍କା ରହିଛି । ଏଣୁ ଭାରତ ସରକାର ସେଥିପାଇଁ ପ୍ରସ୍ତୁତି ଆରମ୍ଭ କରିଦେବା ଉଚିତ ।
Sambad is now on WhatsApp
Join and get latest news updates delivered to you via WhatsApp
ଡବ୍ଲୁଏଚଓର ଜରୁରୀକାଳୀନ ସ୍ୱାସ୍ଥ୍ୟ କାର୍ଯ୍ୟକ୍ରମର କାର୍ଯ୍ୟକାରୀ ନିର୍ଦ୍ଦେଶକ ମାଇକେଲ ରୟାନ କହିଛନ୍ତି ଯେ ଭାରତରେ ସଂକ୍ରମଣ ସଂଖ୍ୟା ଏବେ ପ୍ରାୟ ତିନି ସପ୍ତାହରେ ଦୁଇଗୁଣ ହେଉଛି .। ତଥାପି ଏହା ବଢିଚାଲିଛି, କିନ୍ତୁ ଏହା ପ୍ରବଳମାତ୍ରାରେ ବଢୁନାହିଁ । ପୁଣି ଭାରତର ଅଂଚଳ ଭିତ୍ତିରେ ଏହାର ପ୍ରକୋପ ଭିନ୍ନ ଭିନ୍ନ ରହିଛି । କିନ୍ତୁ ଆଗକୁ ସ୍ଥିତି ବିସ୍ଫୋରକ ସ୍ତରରେ ପହଞ୍ଚିପାରେ, ଏପରିକି ଯେକୌଣସି ସମୟରେ ଏହା ହଠାତ ବଢିଯାଇପାରେ ।
ସେ କହିଛନ୍ତି ଯେ ଭାରତରେ ଗତ ମାର୍ଚ୍ଚ ମାସରୁ ଆରମ୍ଭ ହୋଇଥିବା ଲକଡାଉନ ଦ୍ବାରା ସଂକ୍ରମଣକୁ କମାଯାଇପାରିଛି । କିନ୍ତୁ ଏବେ ସରକାର ଧୀରେ ଧୀରେ ଲକଡାଉନ ଖୋଲୁଥିବାରୁ ଆଗକୁ ସଂକ୍ରମଣ ସଂଖ୍ୟା ହଠାତ ବଢିପାରେ । ଏଣୁ ସରକାର ସତର୍କ ରହିବା ଜରୁରୀ । ଭାରତରେ ସଂକ୍ରମଣ ବଢିବାର କାରଣ ହେଉଛି ଘନ ଜନସଂଖ୍ୟା ଓ ବଡ଼ ପରିମାଣର ପ୍ରବାସୀ ଜନସଂଖ୍ୟା ।
ଭାରତରେ ଶନିବାର ସୁଦ୍ଧା ମୋଟ ସଂକ୍ରମିତଙ୍କ ସଂଖ୍ୟା ୨ ଲକ୍ଷ ୩୬ ହଜାର ଟପିଯାଇଛି । ଏହା ମଧ୍ୟରେ ମୃତ୍ୟୁ ସଂଖ୍ୟା ୬୬୪୨ରେ ପହଞ୍ଚିଛି ।