ଉତ୍ତରାଧିକାରୀ କିଏ ? ଦଲାଇଲାମା କଲେ ବଡ଼ ଘୋଷଣା

ଧର୍ମଶାଳା : କିଏ ହେବେ ପରବର୍ତ୍ତି ଦଲାଇଲାମା ? ଏହା ଉପରେ କେବଳ ଭାରତ ବା ତିବ୍ବତୀୟ ଲୋକ ନୁହନ୍ତି ସମଗ୍ର ବିଶ୍ବର ନଜର ରହିଛି । ସବୁଠାରୁ ଅଧିକ ସତର୍କ ଦୃଷ୍ଟି ରଖିଛି ଚୀନ । ଏବେ ଖୋଦ ଦଲାଇଲାମା ନିଜର ଉତ୍ତରାଧିକାରୀ ଚୟନ ସମ୍ପର୍କରେ ଏକ ବଡ଼ ଘୋଷଣା କରିଛନ୍ତି ।

ଦଲାଇଲାମା କହିଛନ୍ତି ଯେ ଆଗକୁ ବି ଦଲାଇଲାମା ଅନୁଷ୍ଠାନ ଜାରି ରହିବ । ନୂଆ ଦଲାଇ ଲାମା ଚୟନ ପାଇଁ ସେ ତିବ୍ବତୀୟ ସଂଗଠନ ଗାଦେନ ଫୋଡରଙ୍ଗ ଟ୍ରଷ୍ଟକୁ ଦାୟିତ୍ବ ପ୍ରଦାନ କରିଛନ୍ତି । ସେ ମଧ୍ୟ ଏହା ସ୍ପଷ୍ଟ କରିଛନ୍ତି ଯେ ତିବ୍ବତୀୟ ଲୋକମାନଙ୍କ ଦ୍ବାରା ନୂଆ ଦଲାଇଲାମାଙ୍କ ଚୟନ ହେବ । ଏଥିରେ ଚୀନର କୌଣସି ଭୂମିକା ରହିବ ନାହିଁ । 

ଦଲାଇଲାମା କହିଛନ୍ତି ଯେ ଆଗକୁ ବି ଦଲାଇଲାମା ଅନୁଷ୍ଠାନ ଜାରି ରହିବ । ନୂଆ ଦଲାଇ ଲାମା ଚୟନ ପାଇଁ ସେ ତିବ୍ବତୀୟ ସଂଗଠନ ଗାଦେନ ଫୋଡରଙ୍ଗ ଟ୍ରଷ୍ଟକୁ ଦାୟିତ୍ବ ପ୍ରଦାନ କରିଛନ୍ତି । ସେ ମଧ୍ୟ ଏହା ସ୍ପଷ୍ଟ କରିଛନ୍ତି ଯେ ତିବ୍ବତୀୟ ଲୋକମାନଙ୍କ ଦ୍ବାରା ନୂଆ ଦଲାଇଲାମାଙ୍କ ଚୟନ ହେବ । ଏଥିରେ ଚୀନର କୌଣସି ଭୂମିକା ରହିବ ନାହିଁ । 

ବର୍ତ୍ତମାନର ଦଲାଇଲାମା ଅର୍ଥାତ୍ ୧୪ତମ ଦଲାଇଲାମାଙ୍କ ପକ୍ଷରୁ ଜାରି ବୟାନରେ କୁହାଯାଇଛି ଯେ ଦଲାଇଲାମା ଅନୁଷ୍ଠାନକୁ ଜାରି ରଖିବାକୁ ତିବ୍ବତୀୟ ଲୋକ, ମଙ୍ଗୋଲିଆ, ଚୀନ ଓ ସାରା ବିଶ୍ବରେ ଥିବା ବୌଦ୍ଧ ସଂପ୍ରଦାୟ ଦଲାଇଲାମାଙ୍କୁ ଅନୁରୋଧ କରିଥିଲେ । ଏହାକୁ ଗ୍ରହଣ କରାଯାଇଛି ।

ଧର୍ମଶାଳାରେ ଅନୁଷ୍ଠିତ ୧୪ତମ ତିବ୍ବତୀୟ ଆଧ୍ୟାତ୍ମିକ ସମ୍ମିଳନୀ ଅବସରରେ ତିବ୍ବତୀୟ ପ୍ରଶାସନର ଅଧ୍ୟକ୍ଷ ସେରିଂ ସିକ୍ୟୋଙ୍ଗ କହିଛନ୍ତି ଯେ ତିବ୍ବତୀୟ ପରମ୍ପରା ଅନୁସାରେ ହିଁ ନୂଆ ଦଲାଇଲାମାଙ୍କ ଚୟନ କରାଯିବ । ଏଥିରେ ଚୀନର ହସ୍ତକ୍ଷେପକୁ ବରଦାସ୍ତ କରାଯିବ ନାହିଁ ।