ଲୋକସଭାରେ ବିରୋଧୀ ଦଳର ନେତା ହେବେ କିଏ ? ରାହୁଲ ନା ଅନ୍ୟ କେହି...

ନୂଆଦିଲ୍ଲୀ: ୧୮ ତମ ଲୋକସଭାର ଉଦଘାଟନୀ ଅଧିବେଶନରେ ବିରୋଧୀ ଦଳର ନେତାଙ୍କ ନିଷ୍ପତ୍ତି ନିଆଯାଇପାରେ ବୋଲି ଚର୍ଚ୍ଚା ହେଉଛି। ରାହୁଲ ଗାନ୍ଧୀ ଲୋକସଭାରେ କଂଗ୍ରେସ ସଂସଦୀୟ ଦଳର ନେତା ହେବା ସହ ବିରୋଧୀ ଦଳର ନେତା ମଧ୍ୟ ହୋଇପାରନ୍ତି ବୋଲି ଆଲୋଚନା ହେଉଛି। ତାଙ୍କୁ ବିରୋଧୀଦଳର ନେତା କରିବା ପାଇଁ କଂଗ୍ରେସ ଭିତରେ କ୍ରମାଗତ ଦାବି ଜାରି ରହିଛି।

କୁହାଯାଉଛି ଯେ ରାହୁଲ ଗାନ୍ଧୀ ଏହି ପଦବୀ ପାଇଁ ନିଜର ନିଷ୍ପତ୍ତି ନେବେ। ଆସନ୍ତା ସପ୍ତାହରେ ଦଳ ଏହାର ଆଭିମୁଖ୍ୟ ସ୍ପଷ୍ଟ କରିପାରେ ବୋଲି ରାଜନୈତିକ ମହଲରେ ଚର୍ଚ୍ଚା ହେଉଛି। ଏକ ଦଳୀୟ ସୂତ୍ରରୁ ପ୍ରକାଶ ଯେ ଆମେ କୌଣସି ଚାପରେ ନା ବିରୋଧୀ ଦଳର ନେତାଙ୍କ ବିଷୟରେ ତତ୍ପର ନୁହଁ। ପ୍ରଥମ ଅଧିବେଶନ ସହିତ ଜଡିତ ଔପଚାରିକତା କରାଯାଉ ବୋଲି ଦଳ କହିଛି।

ଏକ ଦଶନ୍ଧି ପରେ ଲୋକସଭା ବିରୋଧୀଦଳର ନେତା ପାଇବାକୁ ଯାଉଛି। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସରକାରଙ୍କ ପ୍ରଥମ ଦୁଇଟି କାର୍ଯ୍ୟକାଳରେ ମୁଖ୍ୟ ବିରୋଧୀ ଦଳ କଂଗ୍ରେସ ସଂସଦରେ ୧୦ ପ୍ରତିଶତ ଶକ୍ତି ସଂଗ୍ରହ କରିପାର ନଥିଲା। ତେଣୁ ଦଳ ବିରୋଧୀ ଦଳର ନେତା ମାନ୍ୟତା ପାରି ନଥିଲା। ଏଥର କଂଗ୍ରେସର ୯୯ ଆସନ ହାତେଇଛି, ତେଣୁ ଏହି ପଦବୀ ଦଳ ପାଖକୁ ଆସିବ।

ସୋନିଆ ଗାନ୍ଧୀ ରାଜ୍ୟସଭାକୁ ଯିବା ପରେ ମଧ୍ୟ ଗାନ୍ଧୀ ପରିବାରର ଦୁଇଜଣ ସଦସ୍ୟ ଲୋକସଭାରେ ରହିବେ ବୋଲି ଆଶା କରାଯାଉଛି। ବାସ୍ତବରେ ରାହୁଲ ଖାଲି କରିଥିବା ୱାୟନାଡ ଆସନରୁ କଂଗ୍ରେସ ମହାସଚିବ ପ୍ରିୟଙ୍କା ଗାନ୍ଧୀ ପ୍ରାର୍ଥୀ ହେବେ। ଏଭଳି ପରିସ୍ଥିତିରେ ଲୋକସଭାକୁ ତାଙ୍କର ଆଗମନ ନିଶ୍ଚିତ ବୋଲି ବିବେଚନା କରାଯାଉଛି।

ଅନ୍ୟପକ୍ଷରେ ଆସନ୍ତା ଦିନରେ କଂଗ୍ରେସ ସଂଗଠନ ମଧ୍ୟରେ ବ୍ୟାପକ ପରିବର୍ତ୍ତନ ହେବାର ଚର୍ଚ୍ଚା ହେଉଛି। ଚାରୋଟି ରାଜ୍ୟରେ ନିର୍ବାଚନ ହେବାକୁ ଯାଉଛି। ଏହା ବ୍ୟତୀତ କଂଗ୍ରେସ ସେହି ରାଜ୍ୟଗୁଡ଼ିକରେ ସଂଗଠନକୁ ମଜବୁତ କରିବା ଉପରେ ମଧ୍ୟ ଧ୍ୟାନ ଦେବ ଯେଉଁଠାରେ ଚଳିତ ଲୋକସଭାରେ ଦଳର ପ୍ରଦର୍ଶନ ଭଲ ହୋଇଛି। ଉତ୍ତରପ୍ରଦେଶ ଏହି ତାଲିକାରେ ଶୀର୍ଷରେ ଅଛି।