ନୂଆଦିଲ୍ଲୀ: ଉପ-ରାଷ୍ଟ୍ରପତି ପଦରୁ ଧନଖଡ଼ଙ୍କ ଇସ୍ତଫା ଏବଂ ପରବର୍ତ୍ତୀ ଘଟଣାକ୍ରମ ଏବେ ଚାରିଆଡେ ଚର୍ଚ୍ଚା । ଇତି ମଧ୍ୟରେ ନୂଆ ଉପରାଷ୍ଟ୍ରପତି ଚୟନ ପାଇଁ ଆରମ୍ଭ ହୋଇଛି ପ୍ରକ୍ରିୟା । ଅଗଷ୍ଟ ଶେଷ ସପ୍ତାହ ସୁଦ୍ଧା ଏହି ପ୍ରକ୍ରିୟା ଶେଷ ହେବ ଏବଂ ଏଥିସହ ଦେଶକୁ ମିଳିବେ ନୂଆ ଉପରାଷ୍ଟ୍ରପତି । ହେଲେ ସବୁଠୁ ବଡ଼ ପ୍ରଶ୍ନ କିଏ ହେବେ ଭାରତର ନୂଆ ଉପ-ରାଷ୍ଟ୍ରପତି ? ଏ ପ୍ରଶ୍ନ ଯେତେବେଳେ ଉଠିଛି ସେତେବେଳେ ସାମ୍ନାକୁ ଆସିଛି କିଛି ନାଁ । 

ରାମନାଥ ଠାକୁରଙ୍କୁ ନେଇ ବଢ଼ୁଛି ଚର୍ଚ୍ଚା

Advertisment

ବୁଧବାର ରାମନାଥ ଠାକୁରଙ୍କୁ ଭେଟିଛନ୍ତି ବିଜେପି ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା । ଆଉ ଏହାପରେ ଚର୍ଚ୍ଚା ଆରମ୍ଭ ହୋଇଛି ବିଜେପି ତାଙ୍କୁ ଉପ-ରାଷ୍ଟ୍ରପତି ଆସନରେ ବସାଇପାରେ । ରାମନାଥ ଠାକୁର ହେଉଛନ୍ତି ବିହାରର ପୂର୍ବତନ ମୁଖ୍ୟମନ୍ତ୍ରୀ କର୍ପୂରୀ ଠାକୁରଙ୍କ ପୁଅ, ଯିଏକି ପଛୁଆ ଜାତିରୁ ଆସୁଛନ୍ତି । ଆଗକୁ ବିହାରରେ ବିଧାନସଭା ନିର୍ବାଚନ ହେବାକୁ ଅଛି । ଆଉ କର୍ପୂରୀ ଠାକୁରଙ୍କୁ ଉପ-ରାଷ୍ଟ୍ରପତି ଆସନରେ ବସାଇ, ଦଳ ବଡ଼ ଗେମ୍ ଖେଳିବାକୁ ଲକ୍ଷ୍ୟ ରଖିଛି ।  ନଡ୍ଡାଙ୍କ ସହ ସାକ୍ଷାତକାର ପରେ ଏହି ଚର୍ଚ୍ଚା ଆହୁରି ଜୋର ଧରିଛି ।

କାହିଁକି ଉଠିଲା ରାମନାଥ ଠାକୁରଙ୍କ ନାଁ ?

ରାମନାଥ ଠାକୁର ବିହାରରୁ ହୋଇଥିବାରୁ ସେଠାରେ ଚଳିତ ବର୍ଷ ବିଧାନସଭା ନିର୍ବାଚନ ଥିବାରୁ ତାକୁ ଲକ୍ଷ୍ୟ ରଖି ତାଙ୍କ ନାଁ ଚର୍ଚ୍ଚା ହେଇଛି । କେନ୍ଦ୍ରରେ ମଧ୍ୟ ଜେଡିୟୁ ଏବଂ ବିଜେପିର ମେଣ୍ଟ ବହୁତ ଜରୁରୀ । ରାମନାଥ ଠାକୁରଙ୍କ ନାଁ ଦେଇ ଏନଡିଏ ଜେଡିୟୁକୁ ସନ୍ତୁଷ୍ଟ କରିପାରିବ। ରାମନାଥ ଠାକୁରଙ୍କର ଏକ ସ୍ୱଚ୍ଛ ଭାବମୂର୍ତ୍ତି ଏବଂ ନିଷ୍କଳଙ୍କ ଛବି ରହିଛି । ଯାହା ଦ୍ବାରା ବିରୋଧୀ ଦଳ ରାମନାଥ ଠାକୁରଙ୍କୁ ବିରୋଧ କରିବାକୁ ସୁଯୋଗ ପାଇବେନି । ଏହା ବ୍ୟତୀତ, ରାମନାଥ ଠାକୁର ଅତ୍ୟନ୍ତ ପଛୁଆ ବର୍ଗରୁ ଆସିଛନ୍ତି ଯାହାର ବିହାରରେ ଏକ ବଡଡ ଜନସଂଖ୍ୟା ଅଛି। ଏହି ଦୃଷ୍ଟିରୁ ରାମନାଥଙ୍କ ନାଁ ଚର୍ଚ୍ଚାରେ । 

ଚର୍ଚ୍ଚାରେ ଥିଲା ନୀତୀଶଙ୍କ ନାଁ 

ପୂର୍ବରୁ ନୀତୀଶଙ୍କ ନାଁକୁ ନେଇ ଚର୍ଚ୍ଚା ହେଉଥିଲା । ବିହାରରେ ଆଗକୁ ନିର୍ବାଚନ ଥିବାରୁ ରାଜନୀତି ପାଣିପାଗ ଗରମ ଅଛି । କଂଗ୍ରେସ ଏବଂ ବିରୋଧୀ ମହାଗଠବନ୍ଧନ ଏନଡିଏ ସରକାରକୁ ବିଭିନ୍ନ ପ୍ରସଙ୍ଗରେ ଘେରୁଥିବା ବେଳେ ନୀତୀଶଙ୍କ ବୟସ ନେଇ ମଧ୍ଯ ଅସନ୍ତୋଷ ତୀବ୍ର ହେବାରେ ଲାଗିଛି । ଏଥର ବୟସ୍କ ନୀତୀଶ ନୁହଁ ବରଂ ରାଜ୍ୟୃବାସୀ ଆଉ ଜଣେ ଚେହେରା ଚାହୁଥିବା ଚର୍ଚ୍ଚା ହେଉଛି । ନୀତୀଶଙ୍କ କାର୍ଯ୍ଯଶୈଳୀ ବି ଅସନ୍ତୋଷର କାରଣ ସାଜିଥିବାରୁ ଏଥର ନୀତୀଶଙ୍କୁ ଉପରାଷ୍ଟ୍ରପତି କରାଇ ବିହାରକୁ ସରପ୍ରାଇଜ ଦେଇପାରେ ବିଜେପି ଆଉ ପୁଣିଥରେ ବିହାରରେ କମାଣ କଷିବାକୁ ଯୋଜନା ଚାଲିଥିବା କୁହାଯାଉଛି ।

ତେବେ ନୀତୀଶଙ୍କର ଉଭୟ କେନ୍ଦ୍ର ଏବଂ ରାଜ୍ୟ ରାଜନୀତିରେ ଗଭୀର ଅଭିଜ୍ଞତା ରହିଛି । ୨୦ ବର୍ଷ କାଳ ମୁଖ୍ୟମନ୍ତ୍ରୀ ଭାବେ ବିହାରର ସେବା କରୁଥିବା ନୀତୀଶ ଦେଶର ଜଣେ ଅନୁଭବୀ ନେତା । ଏହି ଦୃଷ୍ଟିରୁ ସେ ଏହି ପଦ ଠିକ୍ ଭାବେ ତୁଲାଇ ପାରିବେ ବୋଲି ଆଶା ରଖି ତାଙ୍କ ନାଁ ଉପରେ ବିଜେପି ଆସ୍ଥା ପ୍ରକଟ କରୁଥିବା ଚର୍ଚ୍ଚା ହେଉଥିଲା ମାତ୍ର ଏବେ ନୀତୀଶଙ୍କ ନାଁ ଭୁଲି ରାମନାଥଙ୍କ ନାଁ ଚର୍ଚ୍ଚାରେ..