ନୂଆଦିଲ୍ଲୀ : ପୁଲଓ୍ବାମା ଆତଙ୍କବାଦୀ ଆକ୍ରମଣ ସମ୍ପର୍କରେ ପାକିସ୍ତାନର ମନ୍ତ୍ରୀ ଫଓ୍ବାଦ ଚୌଧୁରୀଙ୍କ ବୟାନ ସମ୍ପର୍କରେ ନିଜର ପ୍ରତିକ୍ରିୟା ଦେଇଛି ଭାରତର ବୈଦେଶିକ ବ୍ୟାପାର ମନ୍ତ୍ରାଳୟ । ପାକିସ୍ତାନ ଆତଙ୍କବାଦଙ୍କୁ ପ୍ରେତ୍ସାହନ ଦେଉଥିବା ସମଗ୍ର ବିଶ୍ବ ଜାଣିଛି ବୋଲି ମନ୍ତ୍ରାଳୟ ରହିଛି ।
Sambad is now on WhatsApp
Join and get latest news updates delivered to you via WhatsApp
ଭାରତୀୟ ବୈଦେଶିକ ମନ୍ତ୍ରାଳୟର ମୁଖପାତ୍ର ଅନୁରାଗ ଶ୍ରୀବାସ୍ତବ କହିଛନ୍ତି ଯେ ପାକିସ୍ତାନ ଆତଙ୍କବାଦୀଙ୍କୁ ସହାୟତା ଦେଉଥିବା କଥା ସମଗ୍ର ବିଶ୍ବ ଜାଣିଛି । ଏକଥା ଯେତେ ମନା କଲେ ମଧ୍ୟ ଲୁଚିବ ନାହିଁ । ଯେଉଁ ଦେଶ ସର୍ବାଧିକ ସଂଖ୍ୟକ ଜାତିସଂଘ ତାଲିକାଭୁକ୍ତ ଆତଙ୍କବାଦୀଙ୍କୁ ଆଶ୍ରୟ ଦେଇଛି, ସେ ଦେଶ ନିଜକୁ ନିରୀହ କହିବା ଉଚିତ ନୁହେଁ ।
ପାକିସ୍ତାନ ମନ୍ତ୍ରୀ ଫୱାଦ ଚୌଧୁରୀ ଆଜି ତାଙ୍କ ସଂସଦରେ କହିଥିଲେ ଯେ ପୁଲୱାମା ଆକ୍ରମଣ ହେଉଛି ପାକିସ୍ତାନ ଓ ଇମ୍ରାନ ଖାନଙ୍କ ପାଇଁ ସଫଳତା । ମୁଁ କହୁଛି ଆମେ ହିଁ ହିନ୍ଦୁସ୍ତାନରେ ପଶିକି ମାରିଛୁ । ଆପଣ ଏବଂ ଆମେ ସମସ୍ତେ ଏହି ସଫଳତାର ଅଂଶବିଶେଷ । ପୁଲୱାମା ଆକ୍ରମଣ ପାଇଁ ଇମ୍ରାନ ଖାନ ଏବଂ ତାଙ୍କ ପାର୍ଟି ପିଟିଆଇକୁ ଶ୍ରେୟ ଦେଇଥିଲେ ଫୱାଦ ଚୌଧୁରୀ।
ଉଲ୍ଲେଖଯୋଗ୍ୟ, ୨୦୧୯ ଫେବ୍ରୁଆରି ୧୪ରେ ଜାମ୍ମୁ କାଶ୍ମୀରର ପୁଲୱାମାରେ ସିଆରପିଏଫ ଯବାନଙ୍କ ଉପରେ ଆତ୍ମଘାତି ଆତଙ୍କବାଦୀ ଆକ୍ରମଣ ହୋଇଥିଲା । ଜଣେ ଆତ୍ମଘାତୀ ବିସ୍ଫୋରଣକାରୀ କାରରେ ବିସ୍ଫୋରକ ଭର୍ତ୍ତି କରି ଯବାନଙ୍କ ଗାଡ଼ିକୁ ଧକ୍କା ଦେଇଥିଲା। ଏହି ବିସ୍ଫୋରଣରେ ୪୦ ଜଣ ଯବାନ ସହିଦ ହୋଇଥିଲେ।