ଭାରତ-ପାକିସ୍ତାନ କ୍ରିକେଟ୍ ସଂପର୍କକୁ ନେଇ କଣ କହିଲେ ଜୟଶଙ୍କର ?
ନୂଆଦିଲ୍ଲୀ : ଯଦି ପଡ଼ୋଶୀ ଆପଣଙ୍କ ମୁଣ୍ଡରେ ବନ୍ଧୁକ ଦେଖାଇଛନ୍ତି, ତେବେ ଆପଣ କଣ ଆପଣଙ୍କ ପଡ଼ୋଶୀଙ୍କ ସହ କଥା ହେବେ କି ? ପାକିସ୍ତାନ ସହିତ ଆଲୋଚନା କରିବା ଓ କ୍ରିକେଟ ସଂପର୍କ ବାବଦରେ ପଚରାଯାଇଥିବା ଏକ ପ୍ରଶ୍ନର ଏପରି ଉତ୍ତର ଦେଇଛନ୍ତି ବୈଦେଶିକ ବ୍ୟାପାର ମନ୍ତ୍ରୀ ଏସ ଜୟଶଙ୍କର ।
Sambad is now on WhatsApp
Join and get latest news updates delivered to you via WhatsApp
“ଯଦି ତୁମର ପଡ଼ୋଶୀ ଖୋଲାଖୋଲି ଭାବରେ ଆତଙ୍କକୁ ପ୍ରୋତ୍ସାହିତ କରେ, ତେବେ ତୁମେ ସେମାନଙ୍କ ସହିତ କଥା ହେବ କି? ଆମର ଲକ୍ଷ୍ୟ ହେଉଛି ସେମାନଙ୍କୁ କିପରି ଆତଙ୍କର କବଳରୁ ବାହାର କରାଯାଇପାରିବ ତାହା ନିଶ୍ଚିତ କରିବା । ଭାରତ-ପାକିସ୍ତାନ ସୀମାରେ ଏହା ଏକ ଅସାଧାରଣ ପରିସ୍ଥିତି । କିନ୍ତୁ ଆମେ ଆଶା କରୁଛୁ ଯେ ସେମାନେ ଆତଙ୍କର ରାସ୍ତା ଛାଡିବେ । ଏକ ଜାତୀୟ ଟିଭି ଚ୍ୟାନେଲର ଚର୍ଚ୍ଚାରେ ଭାଗ ନେଇ ସେ ଏହା କହିଛନ୍ତି ।
ଭାରତ ପାକିସ୍ତାନ ସହ କ୍ରିକେଟ ଖେଳିବ କି ବୋଲି ପଚରାଯାଇଥିବା ଏକ ପ୍ରଶ୍ନର ଉତ୍ତରରେ ସେ କହିଛନ୍ତି, କ୍ରିକେଟ୍ ଉପରେ ଆମର ଆଭିମୁଖ୍ୟ ଜାଣନ୍ତି । ଆମେ କଦାପି ଗ୍ରହଣ କରିବା ଉଚିତ୍ ନୁହେଁ ଯେ ଏକ ଦେଶର ଆତଙ୍କବାଦକୁ ପ୍ରାୟୋଜିତ କରିବାର ଅଧିକାର ଅଛି ଜ୍ଝ ଯେପର୍ୟ୍ୟନ୍ତ ଆମେ ଏହାକୁ ଅବୈଧ ନ କରୁନାହୁଁ, ଏହା ଜାରି ରହିବ । ତେଣୁ, ପାକିସ୍ତାନ ଉପରେ ବିଶ୍ୱର ଚାପ ଜାରି ରହିବା ଉଚିତ୍ । ଆତଙ୍କର ପୀଡିତମାନେ ନିଜକୁ ସ୍ୱର ଉତ୍ତୋଳନ ନକରିବା ପର୍ୟ୍ୟନ୍ତ ଚାପ ଆସିବ ନାହିଁ ।