ଭାରତରେ ନିଷିଦ୍ଧ ହେବ ଗ୍ରକ୍ ଏଆଇ ?

ନୂଆଦିଲ୍ଲୀ: ଏଲନ ମସ୍କଙ୍କ ମାଲିକାନାରେ ଥିବା ସୋସିଆଲ ମିଡିଆ ପ୍ଲାଟଫର୍ମ ‘ଏକ୍ସ’ର ଏଆଇ ବଟ୍ ‘ଗ୍ରକ୍ ଏଆଇ’କୁ ନେଇ ସାରା ଦେଶରେ ଚର୍ଚ୍ଚା ଜାରି ରହିଛି । ତେବେ ଏହାକୁ ନେଇ ବିବାଦ ମଧ୍ୟ ଦେଖାଦେଇଛି । ଗ୍ରକ୍ ବିଭିନ୍ନ ପ୍ରଶ୍ନର ଯେପରି ଅପମାନଜନକ ଉତ୍ତର ଦେଉଛି ତାହାକୁ ନେଇ ବିବାଦ ଦେଖାଦେଇଛି । 

ଏବେ ଏହା ସରକାରଙ୍କ ନଜରକୁ ଆସିଛି । ଗ୍ରକ ଦ୍ୱାରା ଅପମାନଜନକ ଭାଷା ବ୍ୟବହାର ଅଭିଯୋଗ ଉପରେ ଭାରତ ସରକାରଙ୍କ ସୂଚନା ଏବଂ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ସୋସିଆଲ ମିଡିଆ ପ୍ଲାଟଫର୍ମ ଏକ୍ସଠାରୁ ଜବାବ ମାଗିଛି। ଏହି ବିବାଦ ପୁଣି ଥରେ କୃତ୍ରିମ ବୁଦ୍ଧିମତ୍ତା ପ୍ଲାଟଫର୍ମଗୁଡ଼ିକୁ ନିୟନ୍ତ୍ରଣ କରିବା ପାଇଁ କଠୋର ପଦକ୍ଷେପ ନେବାର ଦାବିକୁ ତୀବ୍ର କରିଛି।

ଗ୍ରକ ବିରୋଧରେ ଅନେକ ଉପଭୋକ୍ତା ଅଭିଯୋଗ କରିଛନ୍ତି ଯେ ଗ୍ରକ୍ ସେମାନଙ୍କ ପ୍ରଶ୍ନର ଉତ୍ତର ଦେବା ସମୟରେ ଅପମାନଜନକ ଭାଷା ବ୍ୟବହାର କରୁଛନ୍ତି। ସୂଚନା ଅନୁଯାୟୀ, ଏହି ଅଭିଯୋଗଗୁଡ଼ିକର ବିଚାର କରି, ସୂଚନା ଏବଂ ପ୍ରଯୁକ୍ତିବିଦ୍ୟା ମନ୍ତ୍ରଣାଳୟ ସୋସିଆଲ ମିଡିଆ ପ୍ଲାଟଫର୍ମ ଏକ୍ସ ଠାରୁ ସ୍ପଷ୍ଟୀକରଣ ମାଗିଛି ଏବଂ ଏହି ମାମଲାର ତଦନ୍ତ କରୁଛି।