ବିଜେପିରେ ଯୋଗ ଦେବେ କି କଂଗ୍ରେସ ନେତା ପିଏଲ ପୁନିଆ
ନୂଆଦିଲ୍ଲୀ: ବରିଷ୍ଠ କଂଗ୍ରେସ ନେତା ପିଏଲ ପୁନିଆ, କଂଗ୍ରେସ ଛାଡି ବିଜେପିରେ ଯୋଗ ଦେବେ କି? କିଛି ଏଭଳି ଗୁଜବ ପ୍ରକାଶ ପାଇବା ପରେ ଏବେ ଏନେଇ ଜବାବ ରଖିଛନ୍ତି ପୁନିଆ | ବାସ୍ତବରେ ପିଏଲ ପୁନିଆ କଂଗ୍ରେସ ଛାଡି ୨୦୨୪ ଲୋକସଭା ନିର୍ବାଚନ ପୂର୍ବରୁ ବିଜେପିରେ ଯୋଗଦେବା ଗୁଜବକୁ ନେଇ କଡା ଜବାବ ଦେଇଛନ୍ତି। ସେ ଏପରି ଗୁଜବକୁ ଅସ୍ୱୀକାର କରି କହିଛନ୍ତି ଯେ ସେ ଶେଷ ନିଶ୍ୱାସ ପର୍ଯ୍ୟନ୍ତ କଂଗ୍ରେସରେ ରହିବେ। କଂଗ୍ରେସ ନେତା କହିଛନ୍ତି, “ଆଜି ସକାଳୁ ଅନେକ ଲୋକ କହୁଛନ୍ତି ଯେ, ‘ମୁଁ ଭାରତୀୟ ଜନତା ଦଳର ବରିଷ୍ଠ ନେତାଙ୍କୁ ଭେଟିଛି ଏବଂ କଥାବାର୍ତ୍ତା କରିଛି। ଏହା ସଂପୂର୍ଣ୍ଣ ଭିତ୍ତିହୀନ, ଅସତ୍ୟ ଏବଂ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ |
Sambad is now on WhatsApp
Join and get latest news updates delivered to you via WhatsApp
ପିଏଲ ପୁନିଆ କହିଛନ୍ତି, “ଭାରତୀୟ ଜନତା ପାର୍ଟି ଏବଂ ଏହାର ଦଳଗୁଡ଼ିକ ସଂପୂର୍ଣ୍ଣ ଭାବେ ଚିନ୍ତିତ ଅଛନ୍ତି ଯେ କଂଗ୍ରେସ ପାର୍ଟିର ପ୍ରାର୍ଥୀମାନେ ଏବେ ଲୋକଙ୍କ ମଧ୍ୟରେ ପହଂଚୁଛନ୍ତି ଏବଂ ଜନସାଧାରଣଙ୍କ ମନରେ ସ୍ପଷ୍ଟ ଭାବେ କଂଗ୍ରେସ ପ୍ରତି ସମର୍ଥନ ରହିଛି। କଂଗ୍ରେସ ନେତା କହିଛନ୍ତି ଯେ ଭାରତୀୟ ଜନତା ପାର୍ଟିର ଆଚରଣ ସେମାନଙ୍କ ରାଜନୀତିକୁ ସମ୍ପୂର୍ଣ୍ଣ ରୂପେ ନଷ୍ଟ କରି ଦେଇଛି। ମୁଁ ସ୍ପଷ୍ଟ ଭାବରେ କହିବାକୁ ଚାହେଁ ଯେ ମୁଁ ରାଜନୀତି ଆରମ୍ଭ କରିବା ଦିନଠାରୁ କଂଗ୍ରେସ ପାର୍ଟିରେ ଅଛି ଏବଂ ଶେଷ ମୁହୂର୍ତ୍ତ ପର୍ଯ୍ୟନ୍ତ କଂଗ୍ରେସ ପାର୍ଟିରେ ରହିବି।