ଲକ୍ଷ୍ନୌ: ପୂର୍ବତନ କେନ୍ଦ୍ର ମନ୍ତ୍ରୀ ତଥା ବିଜେପି ନେତା ମେନକା ଗାନ୍ଧୀ ସମାଜବାଦୀ ପାର୍ଟି(ଏସ୍ପି) ସାଂସଦ ରାମ ଭୁଆଲ ନିଷାଦଙ୍କ ସଦସ୍ୟତା ବାତିଲ କରିବାକୁ ଆହ୍ଲାବାଦ ହାଇକୋର୍ଟର ଲକ୍ଷ୍ନୌ ବେଞ୍ଚରେ ଆବେଦନ କରିଛନ୍ତି। ରାମ ଭୁଆଲ ନିଷାଦ ଉତ୍ତରପ୍ରଦେଶର ସୁଲତାନପୁର ଆସନରୁ ସାଂସଦ ଏବଂ ସେ ଗତ ଲୋକସଭା ନିର୍ବାଚନରେ ମେନକା ଗାନ୍ଧୀଙ୍କୁ ପରାସ୍ତ କରିଛନ୍ତି।
ମେନକା ଗାନ୍ଧୀ ବରିଷ୍ଠ ଓକିଲ ପ୍ରଶାନ୍ତ ସିଂ ଅଟଳଙ୍କ ମାଧ୍ୟମରେ ଏହି ଆବେଦନ କରିଛନ୍ତି। ସେ ଅଭିଯୋଗ କରିଛନ୍ତି ଯେ ନିର୍ବାଚନ ସମୟରେ ଦିଆଯାଇଥିବା ସତ୍ୟପାଠରେ ଭୁଲ ତଥ୍ୟ ଦେଇ ରାମ ଭୁଆଲ ନିଷାଦ ତଥ୍ୟ ଲୁଚାଇ ରଖିଛନ୍ତି।
ମେନକା ଗାନ୍ଧୀଙ୍କ ଏହି ଆବେଦନ ପରେ ରାଜ୍ୟ ରାଜନୀତିରେ ଆଲୋଚନା ଆରମ୍ଭ ହୋଇଛି। କୁହାଯାଉଛି ଯଦି ମେନକା ଗାନ୍ଧୀଙ୍କ ଯୁକ୍ତି ଆଧାରରେ ରାମ ଭୁଆଲ ନିଷାଦଙ୍କ ବିରୁଦ୍ଧରେ ବିଭ୍ରାନ୍ତିକର ତଥ୍ୟ ଦେବା କିମ୍ବା ତଥ୍ୟ ଲୁଚାଇବା ନେଇ ହାଇକୋର୍ଟ ସହମତ ହୁଅନ୍ତି, ତେବେ କୋର୍ଟ ତାଙ୍କ ନିର୍ବାଚନକୁ ରଦ୍ଦ କରିବାକୁ ବିଚାର କରିପାରନ୍ତି। ଯଦି ଏହା ଘଟେ, ଏସ୍ପି ଜଣେ ସାଂସଦଙ୍କୁ ହରାଇବ।
सुल्तानपुर से जीते सपा सांसद ने अपने ऊपर दर्ज मुकदमो को छुपाते हुये चुनाव आयोग को केवल 8 मुकदमे की जानकारी दी। पूर्व केंद्रीय मंत्री मेनका गांधी ने 12 मुकदमों का ब्यौरा इकट्ठा कर, तथ्यों को जानबूझकर छुपाने के आरोप में रामभुआल की लोकसभा सदस्यता रद्द करने का याचिका दायर कर दिया। pic.twitter.com/UdB5SKqpjX
— Bhavesh K Pandey (@bhaveshkpandey) July 27, 2024
ଗତ ଲୋକସଭା ନିର୍ବାଚନରେ ବିଜେପି ପ୍ରାର୍ଥୀ ତଥା ପୂର୍ବତନ ମନ୍ତ୍ରୀ ମେନକା ଗାନ୍ଧୀ ସୁଲତାନପୁର ଲୋକସଭା ଆସନରେ ଏସ୍ପି ସଦସ୍ୟ ରାମ ଭୁଆଲ ନିଷାଦଙ୍କଠାରୁ ୪୩ ହଜାର ୧୭୪ଭୋଟରେ ପରାସ୍ତ ହୋଇଛନ୍ତି। ଏହି ଆସନରେ ମେନକାଙ୍କ ପରାଜୟରେ ବିଏସ୍ପି ପ୍ରାର୍ଥୀ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିଥିଲେ। ଉଦରାଜ ୧ ଲକ୍ଷ ୬୩ ହଜାର ୨୫ ଭୋଟ ପାଇଥିଲେ। ରାଜନୈତିକ ବିଶେଷଜ୍ଞମାନଙ୍କ ଅନୁସାରେ ଯଦି ବିଏସ୍ପି ପ୍ରାର୍ଥୀ ଲଢ଼ି ନ ଥାନ୍ତେ, ତେବେ ମେନକା ସହଜରେ ଜିତିଥାନ୍ତେ।