ଇସ୍ଲାମାବାଦ : କଶ୍ମୀର ପ୍ରସଙ୍ଗରେ ସାରା ବିଶ୍ୱରେ ଏକଘରକିଆ ହୋଇଥିବା ସତ୍ତ୍ୱେ ପାକିସ୍ତାନ ନିଜର ଗାଲୁଆ ଗୁଣ ଛାଡିପାରୁନାହିଁ । ଭାରତ ସହ କଥାବାର୍ତ୍ତା ପାଇଁ ବିଶ୍ୱସମୁଦାୟ ନିକଟରୁ ଚାପ ପଡୁଥିବା ସତ୍ତ୍ୱେ ପାକିସ୍ତାନ ଓଲଟି ଭାରତ ଉପରେ ସର୍ତ୍ତ ଆରୋପ କରୁଛି । ପାକିସ୍ତାନର ବୈଦେଶିକ ମନ୍ତ୍ରୀ ଶାହ ମେହମୁଦ କୁରେସୀ କହିଛନ୍ତି ଯେ ଭାରତ କଶ୍ମୀରରୁ କର୍ଫ୍ୟୁ ହଟାଇ ପୂର୍ବର ଅବସ୍ଥା ଫେରାଇଆଣିଲେ ଓ ଗୃହବନ୍ଦୀ ଥିବା କଶ୍ମୀର ନେତାମାନଙ୍କୁ ମୁକ୍ତ କଲେ ଯାଇ ପାକିସ୍ତାନ କଥାବାର୍ତ୍ତା କରିବ ।
Sambad is now on WhatsApp
Join and get latest news updates delivered to you via WhatsApp
ବିବିସି ଉର୍ଦ୍ଦୁକୁ ଏକ ସାକ୍ଷାତକାର ଦେଇ ସେ କହିଛନ୍ତି ଯେ ଭାରତ ସହିତ ଆଲୋଚନା କରିବାରେ ପାକିସ୍ତାନର କୌଣସି ଆପତ୍ତି ନାହିଁ। କିନ୍ତୁ ପ୍ରଥମେ ଭାରତ କଶ୍ମୀରରୁ କର୍ଫ୍ୟୁ ହଟାଉ ଓ କଶ୍ମୀରବାସୀ ପୂର୍ବରୁ ଉପଭୋଗ କରୁଥିବା ସ୍ୱାୟତ୍ତତା ପ୍ରଦାନ କରୁ । ଏହା ସହିତ ବନ୍ଦୀ କଶ୍ମୀର ନେତାମାନଙ୍କୁ ମୁକ୍ତକରି ସେମାନଙ୍କୁ ତାଙ୍କୁ ଭେଟିବାକୁ ଦେଉ ।
ଭାରତ ଗତ ଅଗଷ୍ଟ ୫ରେ ଜମ୍ମୁ ଓ କଶ୍ମୀରକୁ ସ୍ୱତନ୍ତ୍ର ମାନ୍ୟତା ଦେଉଥିବା ଧାରା ୩୭୦ ଉଠାଇଦେବା ସହ ରାଜ୍ୟକୁ ୨ଟି କେନ୍ଦ୍ର ଶାସିତ ଅଞ୍ଚଳରେ ପରିଣତ କରିଥିଲେ ।