ଯଦି ରାମ ମନ୍ଦିରରେ ଦୁର୍ନୀତି ହୋଇଛି ବୋଲି ଭାବୁଛ ରସିଦ ଦେଖାଇ ଦାନ ଟଙ୍କା ନେଇଯାଅ: ସାକ୍ଷୀ ମହାରାଜ
ନୂଆଦିଲ୍ଲୀ: ଦୁଂର୍ନୀତି ହୋଇଛି ବୋଲି ଭାବୁଥିଲେ ରସିଦ ଦେଖାଇ ଦାନ ଦେଇଥିବା ଟଙ୍କା ନେଇଯାଅ | ଭାରତୀୟ ଜନତା ପାର୍ଟି ସାଂସଦ ସାକ୍ଷୀ ମହାରାଜ କହିଛନ୍ତି ଯେ ଯେଉଁମାନେ ରାମ ମନ୍ଦିର ନିର୍ମାଣରେ ଦୁର୍ନୀତି ଅଭିଯୋଗ ଆଣିଛନ୍ତି, ସେମାନେ ରସିଦ ଦେଖାଇ ସେମାନଙ୍କ ଦାନ ପ୍ରତ୍ୟାହାର କରିନେବା ଉଚିତ୍। ବୁଧବାର ସେ ଉନ୍ନାଓରେ କହିଛନ୍ତି ଯେ ବର୍ତ୍ତମାନ ଯେଉଁ ନେତାମାନେ ଅଭିଯୋଗ କରୁଛନ୍ତି ସେମାନେ ସେହି ଅତୀତରେ ରାମ ଭକ୍ତଙ୍କ ଉପରେ ଗୁଳି ଚଳାଇଥିଲେ।
Sambad is now on WhatsApp
Join and get latest news updates delivered to you via WhatsApp
ସାକ୍ଷୀ ମହାରାଜ କହିଛନ୍ତି, ‘ସେମାନେ କହିଥିଲେ ଯେ ବାବ୍ରି ମସଜିଦ ନିକଟକୁ ଏକ ପକ୍ଷୀକୁ ମଧ୍ୟ ଯିବାକୁ ଦେବେ ନାହିଁ। ସେମାନଙ୍କର ଅହଂକାରକୁ ଉପଯୁକ୍ତ ଉତ୍ତର ଦିଆଯାଇଛି ଏବଂ ରାମ ଜନ୍ମଭୂମି ସ୍ଥାନରେ ଏକ ବିଶାଳ ମନ୍ଦିର ନିର୍ମାଣ କରାଯାଉଛି | ଏପରି ଲୋକଙ୍କ ଭିତ୍ତିହୀନ ଅଭିଯୋଗ କରିବା ଛଡା ଆଉ କିଛି ନାହିଁ। ଯେଉଁ ଚମ୍ପତ ରାୟଙ୍କ ବିଷୟରେ କୁହାଯାଉଛି ସେ ନିଜ ଜୀବନକୁ ପ୍ରଭୁ ରାମଙ୍କୁ ଉତ୍ସର୍ଗ କରିଛନ୍ତି। ଏପରି ବ୍ୟକ୍ତିଙ୍କୁ ଦୋଷ ଦେବା ଠିକ୍ ନୁହେଁ ବୋଲି ସେ କହିଛନ୍ତି।
ସାକ୍ଷୀ ମହାରାଜ କହିଛନ୍ତି, ‘ଯଦି ଆମ୍ ଆଦମୀ ପାର୍ଟିର ସଞ୍ଜୟ ସିଂ ରାମ ମନ୍ଦିର ପାଇଁ କିଛି ଦାନ କରିଛନ୍ତି, ତେବେ ସେ ରସିଦ ଦେଖାଇ ନିଜର ଦାନ ପ୍ରତ୍ୟାହାର କରିପାରିବେ। ଯଦି ଅଖିଳେଶ ଯାଦବ ଦାନ କରିଛନ୍ତି, ତେବେ ସେ ତାଙ୍କ ଦାନ ପ୍ରତ୍ୟାହାର କରିପାରିବେ। ଏମାନେ ହେଉଛନ୍ତି ସେହି ଲୋକ ଯେଉଁମାନେ ରାମ ମନ୍ଦିରକୁ ଦୃଢ ବିରୋଧ କରିଥିଲେ’।