ନେହେରୁ-ଗାନ୍ଧୀ ପରିବାର ବିନା କଂଗ୍ରେସ ଶୂନ; ନାମାଙ୍କନ ପୂର୍ବରୁ ଏଭଳି କହିଲେ ଦିଗବିଜୟ
ନୂଆଦିଲ୍ଲୀ: ନେହେରୁ-ଗାନ୍ଧୀ ପରିବାର ବିନା କଂଗ୍ରେସ ଶୂନ। ନାମାଙ୍କନ ପୂର୍ବରୁ ଏଭଳି କହିଲେ ଦିଗବିଜୟ। କଂଗ୍ରେସ ସଭାପତି ପଦ ପାଇଁ ନାମାଙ୍କନ ଦାଖଲ କରିବାକୁ ଯାଉଥିବା ରାଜ୍ୟସଭା ସାଂସଦ ଦିଗବିଜୟ ସିଂ ଏକ ବଡ଼ ବିବୃତି ଦେଇଛନ୍ତି। ସେ ଜାତୀୟ ଗଣମାଧ୍ୟମ ଆଜ ତକକୁ ପ୍ରତିକ୍ରିୟା ଦେଇ କହିଛନ୍ତି ଯେ, ନେହେରୁ-ଗାନ୍ଧୀ ପରିବାର ବିନା କଂଗ୍ରେସ ଶୂନ। ଦିଗବିଜୟଙ୍କୁ ପ୍ରଶ୍ନ କରାଯାଇଥିଲା ଯେ, ନିର୍ବାଚନ ତଥା ଅନ୍ୟାନ୍ୟ ନିଷ୍ପତ୍ତିରେ ଗାନ୍ଧୀ ପରିବାରର ହସ୍ତକ୍ଷେପ ରହୁଛି କି? ଏହାର ଉତ୍ତରରେ ଦିଗବିଜୟ ଏଭଳି କହିଥିବା ଜଣାପଡ଼ିଛି।
Sambad is now on WhatsApp
Join and get latest news updates delivered to you via WhatsApp
କଂଗ୍ରେସ ସଭାପତି ନିର୍ବାଚନ ଲଢ଼ିବା ନେଇ ପ୍ରଶ୍ନ କରାଯିବାରୁ ସେ କହିଥିଲେ ଯେ, ପିସିସିର ପ୍ରତ୍ୟେକ ସଦସ୍ୟ କଂଗ୍ରେସ ସଭାପତି ପଦ ପାଇଁ ପ୍ରତିଦ୍ୱନ୍ଦ୍ୱିତା କରିପାରିବେ। ଦଳ ସମସ୍ତଙ୍କୁ ଆଗକୁ ଆସିବାର ସୁଯୋଗ ଦେଇଛି। ମୁଁ କହିଆସିଛି ଯେ, ସେପ୍ଟେମ୍ବର ୩୦କୁ ଅପେକ୍ଷା କର। ରାଜସ୍ଥାନ ମୁଖ୍ୟମନ୍ତ୍ରୀ ଅଶୋକ ଗେହଲଟ ଦୌଡରୁ ବାଦ ପଡ଼ିବା ପରେ ଆପଣ ଦୌଡ଼ରେ ସାମିଲ ହେଲେ କି ବୋଲି ପ୍ରଶ୍ନ କରାଯିବା ପରେ ସେ କହିଥିଲେ, ଏଭଳି ଭାବିବା ଭୁଲ। ମୁଁ ମୋ ଇଚ୍ଛାରେ ଲଢ଼ିବାକୁ ଆଗେଇ ଆସିଛି। ସେ ତାଙ୍କ ନିଷ୍ପତ୍ତି ନଶୁଣାଇବା ପର୍ଯ୍ୟନ୍ତ ଏହା ଅନୁଭବ କରାଯାଉଥିଲା ଯେ ଗେହଲଟ୍ ଆମର ଅଧିକାରୀକ ପ୍ରାର୍ଥୀ ହୋଇପାରନ୍ତି। ଯଦି ଅଶୋକ ପ୍ରତିଦ୍ବନ୍ଦ୍ବିତା କରିଥାନ୍ତେ, ଆମେ ତାଙ୍କୁ ସମର୍ଥନ କରିଥାନ୍ତୁ। ସେ ଦଳର ସ୍ୱାର୍ଥ ପାଇଁ କାର୍ଯ୍ୟ କରିଆସିଛନ୍ତି। ଗାନ୍ଧୀ ଆଦର୍ଶର। ପାର୍ଟୀ ପ୍ରତି ଆନ୍ତରିକତାର ସହ କାର୍ଯ୍ୟ କରିଥିଲେ | କିନ୍ତୁ ଜୟପୁରରେ ଘଟିଥିବା ଏହି ଘଟଣାକୁ ଏଡାଇ ଦିଆଯାଇ ପାରେ। ସେହି କାରଣରୁ ଏହି ସମସ୍ୟା ଆସୁଛି |