ମୁମ୍ବାଇ: ଆର୍ଯ୍ୟନ୍ ଖାନ୍ଙ୍କୁ ଛାଡ଼ିବା ଲାଗି ଅନ୍ୟ ଜଣେ ସାକ୍ଷୀଙ୍କ ମାଧ୍ୟମରେ ‘ନାକ୍ରୋଟିକ୍ସ୍ କଣ୍ଟ୍ରୋଲ୍ ବ୍ୟୁରୋ’ର କ୍ଷେତୀୟ ନିର୍ଦେଶକ ସମୀର ଓ୍ଵଙ୍ଖେଣ୍ଡେ ୨୫ କୋଟି ଟଙ୍କା ଲାଞ୍ଚ ମାଗିଥିବା କଥା ଜଣେ ସାକ୍ଷୀ ଅଭିଯୋଗ କରିବା ପରେ ‘ଏନ୍ବିସି’ ସମୀରଙ୍କ ବିପକ୍ଷରେ ଭିଜିଲନ୍ସ୍ ତଦନ୍ତ କରିବାକୁ ଆଦେଶ ଦେଇଛି।
Sambad is now on WhatsApp
Join and get latest news updates delivered to you via WhatsApp
ଆର୍ଯ୍ୟନ୍ ଖାନ୍ ଡ୍ରଗ୍ ମାମଲାର ଅନ୍ୟତମ ସାକ୍ଷୀ ପ୍ରଭାକର ସେଲ୍ ଶତ୍ରୁ ପାଲଟି ଯାଇଥିବା କଥା ଆଜି ‘ନାକ୍ରୋଟିକ୍ସ୍ କଣ୍ଟ୍ରୋଲ୍ ବ୍ୟୁରୋ’ ଆଜି ସକାଳେ ମୁମ୍ବାଇ ସେସନ୍ ଅଦାଲତଙ୍କୁ କହିଥିଲା। ଏହି ମାମଲାରେ ଲାଞ୍ଚ କାରବାର ହୋଇଥିବା କଥା ଶୁଣିଛନ୍ତି ବୋଲି ସେ ଅଭିଯୋଗ କରିଥିଲେ।
‘ଏନ୍ସିବି’ ଉପମହାନିର୍ଦେଶକ ଜ୍ଞାନେଶ୍ୱର ସିଂହ କହିଛନ୍ତି, ମୋ ତତ୍ତ୍ୱାବଧାନରେ ଏହି ଅଭିଯୋଗର ତଦନ୍ତ ହେବ। ଓ୍ଵାଙ୍ଖେଣ୍ଡେ ପଦବୀରେ ରହିବେ କି, ନାହିଁ ବୋଲି ପଚାରିବାରୁ ସେ କହିଲେ, ଏବେ ସେ ବିଷୟରେ କହିବା ଅନୁଚିତ। ଆମେ ସହସା ତଦନ୍ତ ଆରମ୍ଭ କରିଛୁ।
ସମୀକ୍ଷା ବୈଠକରେ ଯୋଗ ଦେବା ପାଇଁ ମଙ୍ଗଳବାର ଦିନ ସମୀର ଓ୍ଵାଙ୍ଖେଣ୍ଡେ ଦିଲ୍ଲୀସ୍ଥିତ ‘ଏନ୍ସିବି’ର ମୁଖ୍ୟାଳୟରେ ହାଜର ହେବେ।
ଅପରପକ୍ଷେ, ଏ ସଂକ୍ରାନ୍ତରେ ‘ନାକ୍ରୋଟିକ୍ସ୍ କଣ୍ଟ୍ରୋଲ୍ ବ୍ୟୁରୋ’ ଏବଂ ତା’ର କ୍ଷେତ୍ରୀୟ ନିର୍ଦେଶକ ସମୀର ଓ୍ଵଙ୍ଖେଡ଼େ ସେସନ୍ କୋର୍ଟରେ ଦୁଇଟି ସତ୍ୟପାଠ ଦାଖଲ କରିବେ ବୋଲି ଆଜି କହିଥିଲେ।
ତାଙ୍କୁ (ସମୀର) ଧମକ ଦେବାକୁ ଉଦ୍ୟମ ଏବଂ ତଦନ୍ତରେ ବ୍ୟାଘାତ ସୃଷ୍ଟି କରାଯିବା ସଙ୍କ୍ରାନ୍ତରେ ଅବଗତ ହେବାକୁ ଅନୁରୋଧ କରି ସମୀର ଓ୍ଵାଙ୍ଖେଡ଼େ ସତ୍ୟପାଠ ଦାଖଲ କରିବେ। ସେହିପରି, ସାକ୍ଷୀ ଶତ୍ରୁ ପରି ଆଚରଣ କରିବା ଏବଂ ଦତନ୍ତକୁ ପ୍ରଭାବିତ କରିବା ପାଇଁ କିଛି ବ୍ୟକ୍ତି ପ୍ରଭାବ ପକାଉଥିବା ଉଲ୍ଲେଖ କରି ‘ନାକ୍ରୋଟିକ୍ କଣ୍ଟ୍ରୋଲ୍ ବ୍ୟୁରୋ’ ସତ୍ୟପାଠ ଦାଖଲ କରିବ।
ପ୍ରଭାକର ସେଲ୍ ନାମରେ ଜଣେ ସ୍ୱାଧୀନ ସାକ୍ଷୀ ରବିବାର ଦିନ ଲାଞ୍ଚ କାରବାର କଥା ଉଠାଇବାରୁ ‘ମୁମ୍ବାଇ କ୍ରୁଜ୍ ଡ୍ରଗ୍ ମାମଲା’ ଭିନ୍ନ ମୋଡ଼ ନେଇଛି। ଘରୋଇ ତଦନ୍ତକାରୀ କେ.ପି. ଗୋସାବୀଙ୍କ ଅଙ୍ଗରକ୍ଷୀ ପ୍ରଭାକର ସେଲ୍ ଦାବି କରିଛନ୍ତି ଯେ, ଆର୍ଯ୍ୟନ୍ ଖାନ୍ଙ୍କୁ ଛାଡ଼ିବା ଲାଗି ‘ଏନ୍ସିବି’ର କ୍ଷେତ୍ରୀୟ ନିର୍ଦେଶକ ସମୀର ଓ୍ଵାଙ୍ଖେଡ଼େଙ୍କ ତରଫରୁ ୨୫ କୋଟି ଟଙ୍କା ଲାଞ୍ଚ ଦାବି କରିଥିଲେ। ଏହି ମାମଲାରେ ‘ଏନ୍ସିବି’ ତାଙ୍କ (ପ୍ରଭାକର) ଠାରୁ ଗୋଟାଏ ସାଦା ପଞ୍ଚନାମାରେ ମଧ୍ୟ ସ୍ୱାକ୍ଷର କରାଇ ନେଇଛି।
ଉପରୋକ୍ତ ଅଭିଯୋଗକୁ ଖଣ୍ଡନ କରିବା ସହ ସମୀର ଓ୍ଵାଙ୍ଖେଡ଼େ ସୁରକ୍ଷା ପାଇଁ ମୁମ୍ବାଇ ପୁଲିସ କମିସନର୍ଙ୍କୁ ପତ୍ର ଲେଖିଛନ୍ତି।