ରାଜସ୍ଥାନ: ୫ ଝିଅଙ୍କ ସହ ମା’ର ଆତ୍ମହତ୍ୟା
ଜୟପୁର: ରାଜସ୍ଥାନର ବାରମେର୍ ଜିଲ୍ଲାରେ ଏକ ଅଭାବନୀୟ ଘଟଣା ଘଟିଛି। ଜଣେ ମହିଳା ତାଙ୍କ ୫ ଝିଅଙ୍କ ସହ ଆତ୍ମହତ୍ୟା କରିବା ଘଟଣା ଏବେ ରାଜ୍ୟବ୍ୟାପୀ ଆଲୋଡ଼ନ ସୃଷ୍ଟି କରିଛି। ବାରମେର୍ ଜିଲ୍ଲା ଅଧୀନସ୍ଥ ଚୋହତାନ୍ ସହରରେ ଏହି ଘଟଣା ଘଟିଛି। ମିଳିଥିବା ସୂଚନା ଅନୁଯାୟୀ ମହିଳା ଜଣଙ୍କ ପ୍ରଥମେ ତାଙ୍କ ୫ ଝିଅଙ୍କୁ ଏକ ପାଣି ଟାଙ୍କି ମଧ୍ୟକୁ ଠେଲି ଦେଇଥିଲେ ଏବଂ ପରେ ନିଜେ ଏହି ଟାଙ୍କି ମଧ୍ୟକୁ ଡେଇଁପଡ଼ି ଆତ୍ମହତ୍ୟା କରିଛନ୍ତି। ତେବେ ଆତ୍ମହତ୍ୟାର କାରଣ କ’ଣ ଏଯାବତ୍ ଜଣାପଡ଼ି ନାହିଁ। ପୁଲିସ ଏବେ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି।